అంబులెన్స్​లో మద్యం అక్రమ రవాణా

పోలీసుల నుంచి తప్పించుకునేందుకు కొత్త మార్గాలను ఎంచుకుంటున్నారు మద్యం అక్రమ రవాణాదారులు. ఆఖరికి అంబులెన్స్​ను కూడా వదలలేదు. అయితే నిందితుడి ప్రయత్నాన్ని పసిగట్టిన పోలీసులు.. అతన్ని అరెస్టు చేసి మద్యాన్ని సీజ్ చేశారు.

కాదేదీ మద్యం అక్రమ రవాణాకు అనర్హం అన్నట్లు వ్యవహరిస్తున్నారు కొందరు వ్యక్తులు. చివరకు రోగులను తరలించే అంబులెన్స్​లోను పొరుగు రాష్ట్ర మద్యం రవాణాకు తెగించారు. కర్నూలు సమీపంలోని పంచలింగాల చెక్​పోస్టు వద్ద సెబ్(స్పెషల్‌ ఎన్‌ఫోర్స్‌మెంట్‌ బ్యూరో) పోలీసులు సోమవారం వాహనాల తనిఖీ చేపట్టారు. ఈ క్రమంలో హైదరాబాద్ నుంచి కర్నూలు వైపు ఖాళీగా వస్తున్న అంబులెన్స్​ను అనుమానం వచ్చి తనిఖీ చేశారు. అంబులెన్స్​లో 14 మద్యం బాటిళ్లను గుర్తించారు. అనంతపురం జిల్లా గుంతకల్లుకు చెందిన అంబులెన్స్ డ్రైవర్ చంద్రను అరెస్ట్ చేసి మద్యం సీసాలను, అంబులెన్స్​ను పోలీసులు సీజ్ చేశా‌రు.

ఇదీ చదవండి