వృద్ధురాలి భిక్షాటన
తన ఇంటిని కాపాడుకునేందుకు ఓ వృద్ధురాలు తంటాలు పడుతోంది. ప్రస్తుతం న్యాయవివాదం కారణంగా.. కేసులో ఇరుక్కున్న తన ఇంటిని తిరిగి సొంతం చేసుకునేందుకు.. భిక్షాటన చేస్తోంది. ఇంటిని విడిపించుకోవడానికి లక్షా 13 వేల రూపాయలు ఖర్చు అవుతుందని.. ఆ సహాయాన్ని సినీ నటుడు సోనూసూద్ లేదా సీఎం జగన్ దానం చేసి ఆదుకోవాలని ఓ వృద్ధురాలు వేడుకుంటోంది. ఈ మేరకు వారిద్దరి చిత్రపటాలతో కడప అంబేద్కర్ కూడలి వద్ద భిక్షాటన చేపట్టింది.
కడపకు చెందిన రాజమ్మకు తన పూర్వీకుల నుంచి సంక్రమించిన ఇంటిని.. తమ సమీప బంధువుకు తాకట్టు పెట్టింది. ఆ వ్యక్తి తనకు తెలియకుండా మరొకరికి తాకట్టు పెట్టి.. తనని ఇబ్బందులకు గురి చేస్తున్నాడని రాజమ్మ ఆరోపించింది. ప్రస్తుతం ఆ ఇల్లు కోర్టులో ఉందని.. కేసు వాదించేందుకు న్యాయవాది లక్షా 13 వేల రూపాయలు అడుగుతున్నారని తెలిపింది.