మైమరిపించే చిత్రాలు, ఆకట్టుకునే కళాఖండాలతో గుంటూరు ఆరండల్ పేటలో శాంతి ఆర్ట్ గ్యాలరీ ప్రారంభమైంది. ఈ చిత్ర ప్రదర్శనను రాష్ట్ర మైనార్టీ కమిషన్ ఛైర్మన్ జియావుద్దీన్ ప్రారంభించారు. ప్రముఖ చిత్రకారుడు పీఎం జైన్ చేతి నుంచి జాలువారిన అపురూప చిత్రాలు ప్రదర్శనలో ఆకట్టుకున్నాయి. పురాణ, చారిత్రక, జానపద కళారూపాలతోపాటు దేశ ప్రముఖుల చిత్రాలను అద్భుతంగా తీర్చిదిద్దారు.... జాతీయ,అంతర్జాతీయ స్థాయిలో ఎన్నో అవార్డులు అందుకున్న జైన్... ఆర్ట్స్, డిజైన్, స్క్రీన్ ప్రింటింగ్ అంశాల్లో మరోసారి తన ప్రతిభను ప్రదర్శించారు.
