''కేంద్రం తీరుకు నిరసనగా.. పుట్టినరోజున పస్తులుంటా''

రాష్ట్రంపై కేంద్ర ప్రభుత్వ నిర్లక్ష్యానికి నిరసనగా ఏలూరు ఎంపీ మాగంటి బాబు దిల్లీలో ఒకరోజు దీక్షకు నిర్ణయించారు.

దిల్లీలోని జంతర్ మంతర్​ వద్ద ఏలూరు ఎంపీ మాగంటి బాబు దీక్ష చేయనున్నారు. రాష్ట్రానికి కేంద్రం చేసిన అన్యాయానికి నిరసనగా ఈ నిర్ణయం తీసుకున్నట్టు చెప్పారు. రేపు తన పుట్టినరోజు సందర్భంగా ఉదయం 11 గంటల నుంచి సాయంత్రం 4 వరకూ దీక్ష చేస్తానన్నారు. పశ్చిమ గోదావరి జిల్లా నుంచి పెద్ద సంఖ్యలో కార్యకర్తలు ఇందులో పాల్గొనున్నారని తెలిపారు.