హీరో నాగశౌర్యపై హెచ్​ఆర్​సీలో ఫిర్యాదు... ఎందుకంటే?

డ్రైవర్ల మనోభావాలు దెబ్బతీసే విధంగా సినీ హీరో నాగ శౌర్య వ్యాఖ్యలు చేశారంటూ... తెలంగాణలోని మానవ హక్కుల కమిషన్​లో తెలంగాణ రాష్ట్ర టాక్సీ డ్రైవర్స్ ఐకాస ఫిర్యాదు చేసింది. నాగశౌర్య బహిరంగ క్షమాపణ చెప్పాలని డిమాండ్​ చేశారు.

ఓ ఛానెల్​ కార్యక్రమంలో తమపై సినీ హీరో నాగశౌర్య అభ్యంతరకర వ్యాఖ్యలు చేశారంటూ తెలంగాణ రాష్ట్ర టాక్సీ డ్రైవర్ల ఐకాస ఆరోపించింది. ఈ విషయమై ఆ రాష్ట్ర మానవ హక్కుల కమిషన్​లో ఫిర్యాదు చేసినట్లు ఐకాస నాయకుడు ప్రభాకర్​ రెడ్డి తెలిపారు.

నాగశౌర్య వ్యాఖ్యలు తమ మనోభావాలు దెబ్బతీసేవిధంగా ఉన్నాయని... దీనిపై బహిరంగ క్షమాపణ చెప్పాలని డిమాండ్​ చేశారు. లేకుంటే రెండు తెలుగు రాష్ట్రాల్లోని డ్రైవర్లు ఆయన సినిమాలను బహిష్కరిస్తామని పేర్కొన్నారు.

ఇదీ చూడండి:రాష్ట్రాన్ని దోచుకుంటున్నారు: రేవంత్​ రెడ్డి