SRISAILAM DAM: 'విద్యుదుత్పత్తి పెరిగిపోతోంది.. తెలంగాణను నిలువరించండి'

కృష్ణా నదీ యాజమాన్య బోర్డు నుంచి ఎలాంటి అనుమతీ లేకుండానే విద్యుత్ ఉత్పత్తి కోసం తెలంగాణ ప్రభుత్వం శ్రీశైలం ప్రాజెక్టులో నీటిని వినియోగించటంపై.. ఏపీ అభ్యంతరం వ్యక్తం చేసింది. ఈమేరకు..ఏపీ ఇంజనీర్ ఇన్ చీఫ్ నారాయణ రెడ్డి.. KRMB సభ్యకార్యదర్శికి లేఖ రాశారు. బోర్డు నుంచి ఎలాంటి అనుమతులూ లేకుండానే..తెలంగాణ ఏకపక్షంగా నీటిని వినియోగించటం సరికాదని పేర్కొంది. తదుపరి నీటి వినియోగం నిలుపుదల చేసేలా తెలంగాణా అధికారులను నిలువరించాలని లేఖలో ఇంజినీర్ ఇన్ చీఫ్​ (ENC) డిమాండ్ చేశారు.

శ్రీశైలం (SRISAILAM) జలాశయం నుంచి జలవిద్యుత్తు ఉత్పత్తికి తెలంగాణ.. ఇక నుంచి నీళ్లు తీసు కోకుండా చూడాలని.. కృష్ణా నదీ(KRISHNA BOARD) యాజమాన్య బోర్డుకు మంగళవారం రాత్రి ఆంధ్రప్రదేశ్ ప్రభుత్వం మరో లేఖ పంపింది. ఆంధ్రప్రదేశ్ జలవనరుల శాఖ ఇంజినీర్ ఇన్ చీప్-ENC సి.నారాయణ రెడ్డి ఈ మేరకు బోర్డు కార్యదర్శికి లేఖ రాశారు. ఈ విషయంలో తెలంగాణ యంత్రాంగాన్ని నిలువరించేందుకు కఠిన చర్యలు తీసుకోవాలని మరోసారి విన్నవించారు. ఎన్నిసార్లు వద్దని చెబుతున్నా జలవిద్యుత్తు(HYDRO POWER) ఉత్పత్తి ఆపకపోగా ఇంకా పెంచుతూనే ఉన్నారని లేఖలో తెలిపారు. ఒక్క సోమవారం రోజనే 16వేల 877 క్యూసెక్కుల నీటిని జలవిద్యుత్‌ కోసం తీసుకున్నారని..లేఖలో వివరించారు. మరోవైపు వందశాతం జలవిద్యుత్తు ఉత్పత్తి చేయాలని తెలంగాణ(TELANGANA) ప్రభుత్వం జెన్కోను ఆదేశిస్తూ ఉత్తర్వులు ఇచ్చిందని..అంటే శ్రీశైలం ఎడమగట్టు జలవిద్యుత్తు కేంద్రం నుంచి రోజుకు 4 టీఎంసీలు విద్యుత్తు ఉత్పాదన కోసం వాడేస్తారని దీని అర్థమని తెలిపారు. ఇది ఆంధ్రప్రదేశ్ ప్రయోజనాలను పూర్తిగా దెబ్బతీస్తుందని.. బోర్డుకు రాసిన లేఖలో ఆందోళన వ్యక్తం చేశారు.

నిబంధనలు ఉల్లఘించి వాడకం..

'వరదల సమయంలో మినహా మిగిలిన వేళల్లో శ్రీశైలం, నాగార్జునసాగర్(NAGARJUNASAGAR) ఉమ్మడి జలాశయాల నుంచి బోర్డు ఆదేశాలు లేకుండా నీటిని తీసుకోవడానికి వీల్లేదని.. అయినా ఎలాంటి ఆదేశాలూ లేకుండానే తెలంగాణ ఏకపక్షంగా శ్రీశైలం నుంచి నీటిని తీసుకుంటోంది. కనీసం కృష్ణా బోర్డుకు సమాచారం కూడా ఇవ్వడం లేదు. బోర్డు అధికారాలను గౌరవించకపోవడమే. ఉమ్మడి జలాశయాల నుంచి నీటి నిర్వహణ కోసం ఏర్పాటుచేసిన త్రిసభ్య కమిటీ నిర్ణయాల ప్రకారం ముందుకు వెళ్లాలన్న ఒప్పంద సూత్రాలను ఉల్లంగించినట్లే' అని ఈఎన్సీ తన లేఖలో వివరించారు.

ఖరీఫ్ నీటిని తెలంగాణ వాడేస్తోంది..

'జూన్ ఒకటితో ప్రారంభమైన కొత్త నీటి సంవత్సరంలో ఇంతవరకూ శ్రీశైలం జలాశయంలోకి 17.30 టీఎంసీల నీటి ప్రవాహాలు వచ్చాయి. అందులో 6.0 టీఎంసీలను విద్యుదుత్పత్తి కోసం తెలంగాణ వినియోగించుకుంది. మొత్తం నీటి ప్రవాహాల్లో ఇది 40 శాతం, నాగార్జునసా గర్ జలాశయంలో ఖరీఫ్ అవసరాల కోసం అవసరమైన నీళ్లున్న తెలంగాణ శ్రీశైలం నీళ్లను వాడేస్తోంది. సాగర్ జలాశయం కింద, కృష్ణా డెల్టాలో వ్యవసాయ అవసరా లకు నీరు వినియోగించుకునే క్రమంలోనే శ్రీశైలంలో జల విద్యుత్తు ఉత్పత్తి చేపట్టాలి. ఇలా శ్రీశైలం నుంచి నీళ్లు వాడుకుంటూ పోతే నీటిమట్టాలు పడిపోతాయి. పోతిరెడ్డి పాడు నుంచి నీళ్లు తీసుకోవాలంటే శ్రీశైలం జలాశయంలో 854 అడుగుల నీటిమట్టం ఉండాలి. అప్పుడు కూడా కేవలం 7,000 క్యూసెక్కులు మాత్రమే నీటిని తీసుకో గలం. తెలంగాణ ఇలా చేయడం వల్ల పోతిరెడ్డిపాడు నుంచి నీటిని తీసుకోవడం చాలా ఆలస్యమవుతుంది. తెలంగాణ పూర్తి జలవిద్యుత్తు ఉత్పత్తి చేపడితే ఆంధ్రప్ర దేశ్కు ఎంతో నష్టం కలుగుతుంది. 854 అడుగుల నీటి మట్టం స్థాయికి నీళ్లు నిలిచే అవకాశం ఉండదు అని ఆ లేఖలో ఈఎన్సీ పేర్కొన్నారు. శ్రీశైలం జలాశయం నుంచి ఏ రోజు ఎంత నీటిని తెలంగాణ వినియోగించు కుందో తెలియజేసే వివరాలను ఆ లేఖకు జతచేశారు.

ఇవీ చదవండి: