టపాసులు కాల్చేటప్పుడు ఈ జాగ్రత్తలు పాటించండి

దీపావళి పండుగ అనగగానే.. మెుదట గుర్తొచ్చేది.. టపాకాయలే! ఫైర్ వర్స్క్​ లేకుండా దీపావళి ఉంటుందా? అస్సలు ఉండదు. ఆరు నూరైనా టపాకాయలు కాల్చాల్సిందేనని ఫిక్స్​ అయిపోతారు. పండగ చేసుకోవడం ఎంత ముఖ్యమో.. ఆనందం కోల్పోకుండా ఉండటం అంతే ముఖ్యం. టపాకాయలు కాల్చేప్పుడు జాగ్రత్తలు తీసుకోవడం తప్పనిసరి. మీ కోసం మేం అందించే.. కొన్ని జాగ్రత్తలు ఇవే.

1. టపాసులను వేడి తగలని ప్రదేశంలో ఉంచాలి. పిల్లలు, పెంపుడు జంతువులకు అందనిచోట పెట్టాలి.
2. టపాసులు కాల్చేటప్పుడు కాటన్ బట్టలు ధరించాలి. పొడవైన, వదులుగా ఉన్న దుస్తులు సురక్షితం కాదు.
3. ఒక్క టపాసును ఒకసారే వెలిగించండి. అన్నీ ఒకేసారి వెలిగిస్తే ప్రమాదం జరగొచ్చు.
4. టపాసులను కాల్చేటప్పుడు పిల్లలను దూరంగా ఉంచండి. పిల్లలు కాల్చేటపుడు పెద్దలు పక్కన ఉంటే మంచింది.

జాగ్రత్త: టపాసుల ధ్వని 85 డెసిబుల్స్ కంటే ఎక్కువ. అది మీ లోపలి చెవికి హాని కలిగించొచ్చు. అవసరమైతే.. ధ్వనిని నియంత్రించే పరికరాలను వాడండి. ఒక పొడవాటి మఫ్లర్​ను చెవుల పైనుంచి తలకు చుట్టండి.

1. టపాసులు వెలిగించేటపుడు పొడవైన కేండిల్​ను ఉపయోగించండి.
2. మీకు - టపాసుకు మధ్య దూరం ఉంటే మంచింది.
3. టపాసులు కాల్చేటప్పుడు నీటిని దగ్గర ఉంచుకోండి.. ఏదైనా ప్రమాదం జరిగితే ఉపయోగించొచ్చు.

టపాసులు చేతితో పట్టుకొని కాల్చడం సరికాదు. గుంపులున్న చోట, ఇరుకైన ప్రదేశాలలో టపాసులు కాల్చవద్దు. ఇంటిలో కాల్చితే.. అగ్ని ప్రమాదాలు సంభవించవచ్చు. పెద్దవారు పక్కన లేకుండా పిల్లలు ఒకరే టపాసులు కాల్చటానికి అనుమతినివ్వవద్దు. ధ్వని పెద్దగా రావాలని టపాసులను సీసాలలో లేదా డబ్బాలలో పెట్టి కాల్చకండి. మధ్యలో వెళ్లి టపాసు కాలిందా? లేదా? అని పరీక్షించొద్దు.

మీరు.. మీ కుటుంబ సభ్యులు ఆనందమైన దీపావళి చేసుకోవాలని కోరుతూ..!