Salman khan green india challenge in Rfc: చెట్టు లేనిదే మనిషి జీవితం లేదని.. మానవ మనుగడకు చెట్లు ప్రాణవాయువు లాంటివని బాలీవుడ్ కండల వీరుడు సల్మాన్ఖాన్ పిలుపునిచ్చారు. పర్యావరణ పరిరక్షణ అందరి బాధ్యతని ఆయన గుర్తు చేశారు. రాజ్యసభ సభ్యుడు జోగినపల్లి సంతోశ్‌ కుమార్‌ చేపట్టిన గ్రీన్‌ఇండియా ఛాలెంజ్‌లో భాగంగా సల్మాన్... రామోజీ ఫిలింసిటీలోని సాహస్‌ ప్రాంగణంలో మొక్కలు నాటారు.
salman khan latest movie shooting: సల్మాన్ నటిస్తున్న తాజా చిత్రం కోసం రామోజీ ఫిలింసిటీకి వచ్చారు. గ్రీన్‌ఇండియా ఛాలెంజ్ ఆవశ్యకత, ఉద్యమ స్థాయిలో సాగుతున్న వృక్ష సంపద వృద్ధికి చేపడుతున్న కార్యక్రమాలను ఎంపీ సంతోశ్‌.. సల్మాన్‌కు వివరించారు. ఐదేళ్ల క్రితం తాను చేపట్టిన ఈ గ్రీన్ ఛాలెంజ్ ద్వారా ఇప్పటి వరకు 16 కోట్లకు పైగా మొక్కలు నాటించినట్లు సంతోశ్‌ తెలిపారు.
salman khan Praises mp santosh: భావి తరాలకు ఉపయోగపడే మంచి కార్యక్రమం చేపట్టారంటూ ఎంపీ సంతోశ్‌ కుమార్‌ను సల్మాన్ ప్రశంసించారు. 16 కోట్లు మొక్కలే కాదు... భవిష్యత్‌లో సంతోశ్‌ ఆశయంతో అమెజాన్‌ ఫారెస్ట్ తరహాలో పెద్ద వృక్షసంపద సమకూరుతుందని ప్రశంసించారు. గ్రీన్ ఇండియా ఛాలెంజ్‌లో ప్రతి ఒక్కరూ పాల్గొని సంతోశ్‌ ఆశయానికి తోడ్పడాలని కోరారు. మొక్కల పెంపకంతోనే పర్యావరణ సమతుల్యం సాధ్యమని... పర్యావరణ పరిరక్షణకు ప్రతి ఒక్కరూ గ్రీన్ ఇండియా ఛాలెంజ్‌లో పాల్గొనాలని సల్మాన్ తన అభిమానులకు పిలుపునిచ్చారు.