'ఏ అధికారంతో కొనసాగుతున్నారో వివరణ కోరండి'

ప్రస్తుతం నిర్వహిస్తున్న పదవులు, పోస్టుల్లో ఏ అధికారంలో కొనసాగుతున్నారో ముఖ్యమంత్రి జగన్మోహన్ రెడ్డి, మంత్రులు వెల్లంపల్లి శ్రీనివాస్, కొడాలి శ్రీ వెంకటేశ్వరరావు, తితిదే ఛైర్మన్ వైవీ సుబ్బారెడ్డి, ఈవో అనిల్ కుమార్ సింఘాల్​ను వివరణ కోరాలనే అభ్యర్థనతో హైకోర్టులో కోవారెంట్ పిటిషన్ దాఖలైంది.

వారిని పదవులు, పోస్టులు నిర్వహించకుండా నిలువరించాలని అభ్యర్థిస్తూ గుంటూరు జిల్లా అమరావతి మండలం వైకుంఠపురం గ్రామానికి చెందిన ఎ.సుధాకర్ బాబు కోవారెంట్ పిటిషన్​ దాఖలు చేశారు. తిరుమల శ్రీవారి దర్శనానికి వెళ్లిన ముఖ్యమంత్రి డిక్లరేషన్ ఇవ్వకపోవడం దేవాదాయ చట్టంలోని సెక్షన్ 97, 153లకు విరుద్ధమన్నారు. ఆ చట్టంలోని నిబంధన 136, 137 ప్రకారం హిందూయేతరులు ఎవరైనా తిరుమల తిరుపతి దేవస్థానాన్ని దర్శించుకోవాలంటే తప్పనిసరిగా డిక్లరేషన్ ఇవ్వాల్సి ఉందన్నారు. డిక్లరేషన్ అవసరం లేదని మంత్రులు వెల్లంపల్లి శ్రీనివాస్, నాని మద్దతు పలికారని పిటిషన్​లో పేర్కొన్నారు. చట్ట నిబంధనలను అమలు చేయడంలో తితిదే ఛైర్మన్, ఈవోలు విఫలమయ్యారని తెలిపారు.

ఇదీ చదవండి:తిరిగిరాని లోకాలకు బాలు.. శోకసంద్రంలో ప్రజానీకం