నాగసర్పదోషం ఉందని కన్న బిడ్డనే అతి కిరాతకంగా చంపింది ఓ తల్లి. సూర్యాపేట జిల్లా మోతె మండలం మేకలపాటితండాకు చెందిన బానోతు భారతి అనే మహిళ ఈ ఘాతుకానికి ఒడిగట్టింది. తన ఆరు నెలల చిన్నారికి దోషం ఉందంటూ ఓ దొంగబాబా చెప్పిన మాయమాటలు నమ్మి.. పేగు బంధాన్ని తెంచుకుంది. భర్త ఇంట్లో లేని సమయంలో కన్న కూతురుని జాలి లేకుండా దేవుడి చిత్రాలను పాప ముందు ఉంచి పూజలు నిర్వహించింది.
తెలంగాణ: సర్పదోషం ఉందంటూ చిన్నారిని చంపిన కన్న తల్లి - సూర్యాపేట జిల్లా తాజా వార్తలు
సూర్యాపేట జిల్లా మోతె మండలంలో దారుణం చోటు చేసుకుంది. తన కూతురుకి నాగసర్ప దోషం ఉందంటూ దొంగబాబా చెప్పిన మాటలు విని ఆరు నెలల చిన్నారిని హతమార్చింది... ఓ కన్న తల్లి. దేవుడి చిత్రాలను పాప ముందుంచి అతికిరాతకంగా కత్తితో గొంతుకోసి చంపింది.
చిన్నారిని చంపిన కన్న తల్లి
అనంతరం కత్తితో గొంతు కోసి అతి కిరాతకంగా హత్య చేసింది. బిడ్డను హతమార్చిన అనంతరం తనే ఈ ఘాతుకానికి ఒడిగట్టినట్లు తమకు చెప్పిందని స్థానికులు తెలిపారు. కొంత కాలంగా భారతికి మతిస్తిమితం సరిగా ఉండడం లేదని చెబుతున్నారు. ఆరు నెలలుగా ఓ బాబా మాటలు నమ్మి ఆయన చెప్పినట్లుగా పూజలు చేస్తోందని అన్నారు. కేసు నమోదు చేసి దర్యాప్తు చేస్తున్నట్లు పోలీసులు పేర్కొన్నారు.
ఇదీ చదవండి:కరోనా భయంతో వృద్ధ దంపతుల బలవన్మరణం?