PM-Gati Shakti South Zone Conference: రాష్ట్రంలో చౌకగా సరకు రవాణా జరిగేలా కార్యాచరణ చేపట్టామని పరిశ్రమల శాఖ మంత్రి మేకపాటి గౌతమ్ రెడ్డి అన్నారు. పీఎం గతిశక్తిపై దక్షిణాది రాష్ట్రాలతో కేంద్రం నిర్వహించిన వర్చవల్ సమావేశంలో మంత్రి పాల్గొన్నారు.
ఈ సందర్భంగా మాట్లాడిన ఆయన.. ఏపీలో రూ.18వేల కోట్లతో 3 పోర్టులు, 9 ఫిషింగ్ హార్బర్ల నిర్మాణం చేపట్టినట్లు వివరించారు. మౌలిక సదుపాయాల కల్పనకు అత్యంత ప్రాధాన్యత ఇస్తున్నామని పేర్కొన్నారు. ప్రతి రవాణా మార్గాన్ని మరో మార్గంతో అనుసంధానిస్తున్నామని చెప్పారు. పీఎం గతిశక్తిపై సమన్వయానికి నోడల్ అధికారిని నియమించామని తెలిపారు.