'ప్రజల భాగస్వామ్యంతో ఎయిడ్స్​ మహమ్మారికి ముగింపు'

ఎయిడ్స్​కు​ వ్యతిరేకంగా ప్రతి ఏటా డిసెంబర్ ఒకటిన సాగించే పోరాటంలో... ప్రజలందరూ ఏకం కావాలని గవర్నర్​ పిలుపునిచ్చారు.

ఎయిడ్స్​ మహమ్మారికి వ్యతిరేకంగా సాగించే పోరాటంలో... ప్రజలంతా ఏకం కావాలని రాష్ట్ర గవర్నర్‌ బిశ్వభూషణ్‌ హరిచందన్‌ పిలుపునిచ్చారు. ప్రజల్లో హెచ్​ఐవీ లక్షణాల పట్ల అవగాహన పెంచడానికి... వ్యాధితో మరణించినవారికి సంతాపం తెలిపేందుకే ఏటా డిసెంబర్ ఒకటిన అంతర్జాతీయ ఎయిడ్స్‌ దినోత్సవాన్ని నిర్వహిస్తున్నట్లు తెలిపారు. 'ప్రజల భాగస్వామ్యంతో ఎయిడ్స్ మహమ్మారికి ముగింపు'గా ఈ ఏడాది ఎయిడ్స్​ దినోత్సవ లక్ష్యమంటూ పేర్కొన్నారు. వ్యాధి నివారణలో సమాజానిదే కీలకపాత్ర అని తన సందేశంలో తెలిపారు. ఎయిడ్స్‌ రోగుల పట్ల సమాజం వ్యవహరించే తీరులో మార్పు రావాలని... వ్యాధిగ్రస్థులపై వివక్ష చూపించకుండా మానసిక స్థైర్యం పెంచడం ఎంతో ముఖ్యమని అభిప్రాయపడ్డారు.