శ్రీకాకుళం జిల్లా పలాస మండలం సుమ్మాదేవి సమీపంలో జాతీయ రహదారిపై జరిగిన రోడ్డు ప్రమాదంలో నలుగురు కానిస్టేబుళ్లు మృతి చెందటం పట్ల గవర్నర్ బిశ్వభూషణ్ హరిచందన్ విచారం వ్యక్తం చేశారు. పోలీసు వాహనాన్ని లారీ ఢీకొనడంతో జరిగిన ఈ ప్రమాదంలో నలుగురు కానిస్టేబుళ్లు మృతి చెందగా పలువురు గాయపడినట్లు అధికారులు గవర్నర్‌కు వివరించారు. క్షతగాత్రులకు మెరుగైన వైద్యం, చికిత్స అందించాలని అధికారులను గవర్నర్ ఆదేశించారు. బాధిత కుటుంబ సభ్యులకు గవర్నర్ తన ప్రగాఢ సంతాపాన్ని తెలిపారు.
విచారం వ్యక్తం చేసిన సీఎం జగన్...
శ్రీకాకుళం జిల్లా రోడ్డు ప్రమాదంలో నలుగురు సాయుధ రిజర్వ్...ఏఆర్ సిబ్బంది మరణించడం పట్ల ముఖ్యమంత్రి వైఎస్ జగన్ మోహన్ రెడ్డి విచారం వ్యక్తం చేశారు. బాధిత కుటుంబ సభ్యులకు ప్రగాఢ సానుభూతిని తెలియజేశారు.
తెదేపా అధినేత చంద్రబాబు దిగ్భ్రాంతి...
ఏఆర్ కానిస్టేబుళ్లు మృతి చెందారన్న వార్త మనసును కలచివేసిందని తెదేపా అధినేత చంద్రబాబు ఆవేదన వ్యక్తం చేశారు. వారి కుటుంబసభ్యులకు ప్రగాఢ సానుభూతి తెలిపారు. మృతుల కుటుంబాలకు ప్రభుత్వం తక్షణ ఆర్థిక సాయం అందించి ఆదుకోవాలని విజ్ఞప్తి చేశారు.
ఆవేదన వ్యక్తం చేసిన నారా లోకేశ్...