కబేళాలకు ఆవులను తరలిస్తోన్న ఓ వాహనాన్ని గోషామహల్ ఎమ్మెల్యే రాజా సింగ్ పట్టుకున్నారు. మంగళవారం తెల్లవారుజామున శంషాబాద్ పోలీస్ స్టేషన్ పరిధిలో మహారాష్ట్ర నుంచి హైదరాబాద్కు 45 గోవులను తరలిస్తున్న వాహనాన్ని అడ్డగించారు. పట్టుబడిన ఆవులను గోశాలకు తరలించారు. ఈ సంఘటనపై పోలీసులకు ఫిర్యాదు చేశారు.
ఆవులను కబేళాలకు తరలిస్తున్న వారికి పోలీసులు సహకరిస్తున్నారని ఆయన ఆరోపించారు. గోరక్షణ చేసే వారిపై కేసులు నమోదు చేస్తున్నారని విమర్శించారు. అక్రమంగా గోవులను తరలిస్తుంటే పోలీసు శాఖ ఏం చేస్తోందని ప్రశ్నించారు.