చంద్రబాబుతో మాజీ మంత్రి ఆదినారాయణరెడ్డి భేటీ

మాజీ మంత్రి, తెదేపా నేత ఆదినారాయణరెడ్డి... పార్టీ అధినేత చంద్రబాబును కలిశారు. కొంత కాలంగా ఆదినారాయణరెడ్డి తెదేపాకు దూరంగా ఉంటున్నారు. పార్టీ మారుతున్నారంటూ రాజకీయ వర్గాల్లో జోరుగా చర్చ జరుగుతోంది. తాజాగా.. తిరిగి చంద్రబాబును కలవటంతో ఆసక్తిని రేపుతోంది.

తెదేపా అధినేత చంద్రబాబును... ఆయన నివాసంలో మాజీ మంత్రి ఆదినారాయరెడ్డి కలిశారు. గత కొంత కాలంగా ఆదినారాయణరెడ్డి తెదేపాకు దూరంగా ఉంటున్నారు. ఇప్పటికే భాజపా పెద్దలను సైతం ఆదినారాయణరెడ్డి కలవటంపై... పార్టీ మారుతున్నారనే ప్రచారం జోరుగా సాగుతోంది. తాజాగా ఆదినారాయణరెడ్డి మళ్ళీ చంద్రబాబును కలవటం సర్వత్రా చర్చనీయాంశమైంది. పార్టీ మార్పు ఊహాగానాలపై.. ఆయన వివరణ ఇచ్చినట్టుగా తెలుస్తోంది.