తెలంగాణ మాజీ మంత్రి ఈటల రాజేందర్ (Eatala Rajender) రేపు తెరాస (Trs)కు, హుజూరాబాద్‌ ఎమ్మెల్యే పదవికి రాజీనామా చేయనున్నట్లు సమాచారం. ఈనెల 8 లేదా 9న భాజపా (Bjp)లో చేరాలని భావిస్తున్నట్లు తెలిసింది. సోమవారం జేపీ నడ్డా (Jp Nadda)ను, మంగళవారం తెలంగాణ వ్యవహారాల ఇంఛార్జి తరుణ్‌ ఛుగ్‌ (Tharun chugh)ని, కేంద్రమంత్రి కిషన్‌రెడ్డిని కలిసిన ఆయన.... బుధవారం మరోమారు జాతీయ నాయకత్వంతో సమావేశమయ్యారు.
ముందు ఎమ్మెల్యే పదవికి, తెరాసకు రాజీనామా చేసి ఆ తర్వాత దిల్లీకి వచ్చి భాజపాలో చేరతానని రాజేందర్ అన్నట్లు సమాచారం. భవిష్యత్‌ కార్యాచరణ ప్రకటించేందుకు ఈటల (Eatala) ఈ నెల 4న మీడియా సమావేశం పెట్టనున్నారు. ఈటల సహా మొత్తం అయిదుగురు నేతలు భాజపాలో చేరనున్నట్లు సమాచారం.