Suicide Attempt: ప్రగతిభవన్ వద్ద అన్నదమ్ముల హల్ చల్
హైదరాబాద్లోని ప్రగతిభవన్ వద్ద ఇద్దరు వ్యక్తులు హల్చల్ చేశారు. మంత్రివర్గ సమావేశానికి మంత్రులు వస్తున్న సమయంలో తెలంగాణలోని మేడ్చల్ జిల్లా కొంపల్లి ప్రాంతానికి చెందిన అన్నదమ్ములు.. వారి వాహన శ్రేణికి అడ్డుపడేందుకు ప్రయత్నించారు. అందులో ఒక వ్యక్తి ఒంటిపై పెట్రోల్ పోసుకొని ఆత్మహత్యకు ప్రయత్నించాడు. పోలీసులు వెంటనే అప్రమత్తమై అడ్డున్నారు. ఇద్దరినీ అరెస్ట్ చేసి పోలీస్ స్టేషన్కు తరలించారు. తమ ఇళ్లు కొనుగోలు చేసిన ఓ వ్యక్తి డబ్బులు ఇవ్వనందుకు పేట్ బషీరాబాద్ పోలీసులను ఆశ్రయిస్తే అధికారులు తమను వేధిస్తున్నారని వారు ఆరోపించారు.