'దిశ కేసు నిందితులకు మరోసారి శవపరీక్ష'
దిశ కేసు నిందితులకు మరోసారి శవపరీక్ష నిర్వహించాలంటూ హైకోర్టు ఆదేశాలు జారీ చేసింది. ఈనెల 23 సాయంత్రం 5 గంటల లోపు రీపోస్టుమార్టం నిర్వహించాలని తెలిపింది. మృతదేహాలకు దిల్లీ ఎయిమ్స్‌ ఫోరెన్సిక్‌ నిపుణులతో రీపోస్టుమార్టం నిర్వహించి... శవపరీక్షను చిత్రీకరించి తమకు అప్పగించాలని ధర్మాసనం స్పష్టం చేసింది. శవపరీక్ష అనంతరం మృతదేహాలు కుటుంబసభ్యులకు అప్పగించాలని గాంధీ సూపరింటెండెంట్‌ను ఆదేశించింది.