చంద్రబాబుకు సీపీఐ నారాయణ ఫోన్.. ఏమన్నారంటే?

తెదేపా అధినేత చంద్రబాబుకు.. సీపీఐ జాతీయ కార్యదర్శి నారాయణ ఫోన్ చేశారు. బాబు చేస్తున్న36 గంటల దీక్షకు పూర్తి మద్దతు ఇస్తున్నట్లు చెప్పిన ఆయన.. పలు విషయాలు మాట్లాడారు.

తెదేపా కార్యాలయాలపై దాడులకు నిరసనగా చంద్రబాబు చేస్తున్న 36 గంటల నిరాహార దీక్షకు సీపీఐ జాతీయ కార్యదర్శి నారాయణ సంఘీభావం తెలిపారు. ఈ మేరకు.. తెదేపా అధినేతకు ఫోన్ చేసి మాట్లాడారు.

వ్యక్తిగత పనుల కారణంగానే తాను దీక్షా స్థలికి రాలేకపోయినట్లు వివరించారు. ఏపీలో ప్రజాస్వామ్యం ప్రమాదంలో పడిందన్న సీపీఐ నేత నారాయణ.. అందరం కలిసి పనిచేద్దామని చంద్రబాబుకు సూచించారు.

ఇదీ చూడండి:CBN: సరిదిద్దుకోలేని తప్పు చేశారు.. సీఎం, డీజీపీలపై బాబు ఆగ్రహం