నైపుణ్య కళాశాలల్లో భాగస్వామ్యం.. 4 సంస్థలతో ఒప్పందం

రాష్ట్ర ప్రభుత్వం ఏర్పాటు చేయనున్న నైపుణ్య కళాశాలల్లో కోర్సులు, పాఠ్యాంశాల రూపకల్పన, శిక్షణలో సహకారానికి రాష్ట్ర నైపుణ్యాభివృద్ధి సంస్థ గురువారం ఐబీఎం, సింగపుర్‌ పాలిటెక్నిక్‌ ఇంటర్నేషనల్‌, ఎల్వీప్రసాద్‌ ఫిల్మ్‌, టీవీ అకాడమీ, భారత పర్యాటక అభివృద్ధి సంస్థలతో ఒప్పందాలు కుదుర్చుకుంది.

* ఐటీ విభాగంలో ఏర్పాటు చేయనున్న సెంటర్‌ ఆఫ్‌ ఎక్సలెన్స్‌ (నైపుణ్య కేంద్రం)లో సాఫ్ట్‌వేర్‌ కోర్సులకయ్యే వ్యయాన్ని ఐబీఎం భరిస్తుంది. కోర్సులు, పాఠ్యాంశాల రూపకల్పన, ఆధునాతన శిక్షణ ఇవ్వనుంది.

* విశాఖపట్నంలో మీడియా, వినోద రంగాల్లో కేంద్రాన్ని ఎల్వీ ప్రసాద్‌ ఫిల్మ్‌, టీవీ అకాడమీ ఏర్పాటు చేస్తుంది. కోర్సులు, పాఠ్యాంశాల రూపకల్పన చేస్తుంది.

* ఉత్పత్తిలో ఆధునాతన సాంకేతికత, ఫుడ్‌ ఇన్నోవేషన్‌, ప్రాసెసింగ్‌, ఔత్సాహిక పారిశ్రామికవేత్తల విభాగాల్లో సింగపుర్‌ పాలిటెక్నిక్‌ ఇంటర్నేషనల్‌ కోర్సులను అందిస్తుంది.

* అతిథ్య రంగంలోని కేంద్రానికి భారత పర్యాటక అభివృద్ధి సంస్థ సహకారం అందిస్తుంది. కోర్సులు, పాఠ్యాంశాలు, అధ్యయన అంశాలను రూపొందిస్తుంది. నిరుద్యోగ యువతకు శిక్షణ ఇస్తుంది.

* ఆన్‌లైన్‌లో జరిగిన ఈ ఒప్పందాల కార్యక్రమంలో నైపుణ్యాభివృద్ధి, శిక్షణ శాఖ ప్రత్యేక ప్రధాన కార్యదర్శి అనంతరాము, నైపుణ్యాభివృద్ధి సంస్థ ఛైర్మన్‌ చల్లా మధుసూదన్‌రెడ్డి, సీఈవో, ఎండీ అర్జా శ్రీకాంత్‌ పాల్గొన్నారు.

ఇదీ చదవండి: