తెలంగాణలోని నిజామాబాద్ స్థానిక సంస్థల ఎమ్మెల్సీ ఉప ఎన్నికలో తెరాస అభ్యర్థి కవిత ఘన విజయం సాధించారు. కౌంటింగ్ మొదటి రౌండ్లోనే కవిత భారీ ఆధిక్యం సాధించారు. తొలి రౌండ్లో తెరాసకు 531 ఓట్లు నమోదవ్వగా.. భాజపా 39, కాంగ్రెస్ 22 ఓట్లు సాధించాయి. చెల్లని ఓట్ల కింద 7 నమోదయ్యాయి. తర్వాత రెండో రౌండ్కి వచ్చేసరికి తెరాస 728, భాజపా 56, కాంగ్రెస్ 29 ఓట్లు రాగా.. 10 చెల్లకుండా పోయాయి.
తెలంగాణ: నిజామాబాద్ ఎమ్మెల్సీ ఉపఎన్నికలో కవిత ఘన విజయం
తెలంగాణలో నిజామాబాద్ స్థానిక సంస్థల ఎమ్మెల్సీ ఉపఎన్నికలో తెరాస విజయదుందుభి మోగించింది. ఆ పార్టీ అభ్యర్థి కవిత ఘన విజయం సాధించారు. మొత్తం 823 ఓట్లకు గానూ తెరాస 728 ఓట్లు కైవసం చేసుకోగా.. భాజపా 56, కాంగ్రెస్ 29 ఓట్లు దక్కించుకుంది.
MLC
నిజామాబాద్ ఎమ్మెల్సీ ఉప ఎన్నిక ఓట్ల లెక్కింపును మొత్తం ఆరు టేబుళ్లపై రెండు రౌండ్లలో కౌంటింగ్ ప్రారంభించారు. ఉదయం 8 గంటలకు లెక్కింపు ప్రారంభమైంది. ఈ ఎన్నికలో మొత్తం 824 ఓట్లకు 823 ఓట్లు నమోదయ్యాయి.
ఇదీ చదవండి:కొద్దిగంటల్లో తీవ్రంగా మారనున్న వాయుగుండం