స్మార్ట్ పోలీసింగ్లో మొదటి ర్యాంక్ సాధించిన పోలీసు శాఖను ముఖ్యమంత్రి వైఎస్ జగన్ అభినందించారు. సచివాలయంలో ముఖ్యమంత్రి జగన్‌ను..డీజీపీ గౌతమ్ సవాంగ్, పోలీస్‌ ఉన్నతాధికారులు కలసి స్మార్ట్ పోలీసింగ్ సర్వే రిపోర్ట్‌ను అందజేసి, వివరాలు వెల్లడించారు. స్మార్ట్ పోలీసింగ్లో ఏపీకి నెంబర్‌ వన్‌ ర్యాంక్ వచ్చిందని ఇండియన్‌ పోలీస్‌ ఫౌండేషన్ సర్వేలో వెల్లడైందన్నారు.
స్మార్ట్ పోలీసింగ్పై దేశవ్యాప్తంగా అన్ని రాష్ట్రాల్లోనూ ఇండియన్‌ పోలీస్‌ ఫౌండేషన్ సర్వే నిర్వహించిందని, తొమ్మిది ప్రామాణిక అంశాల్లో ఆన్‌లైన్, ఆఫ్‌లైన్‌ విధానాలలో సర్వే నిర్వహించిందని తెలిపారు. 2014 డీజీపీల సదస్సులో స్మార్ట్ పోలీసింగ్ పద్దతులను పాటించాలని ప్రధాని నరేంద్రమోదీ ఇచ్చిన పిలుపు మేరకు స్పందించి.. స్మార్ట్ పోలీసింగ్ నిర్వహిస్తున్న రాష్ట్రాలలో ఇండియన్‌ పోలీస్‌ ఫౌండేషన్ సర్వే చేపట్టిందని చెప్పారు.