గిరిజన సంక్షేమశాఖ మంత్రి పుష్పశ్రీవాణి
విజయనగరం జిల్లాకు కురుపాం శాసనసభ్యురాలు పుష్పశ్రీవాణికి గిరిజన సంక్షేమశాఖను సీఎం జగన్ కేటాయించారు. ఎస్టీ సామాజిక వర్గానికే చెందిన ఆమెను... ఎమ్మెల్యేగా రెండో పర్యాయంలో మంత్రి పదవి వరించింది. ఈ సందర్భంగా మాట్లాడిన పుష్పశ్రీవాణి... గిరిజనులు అన్ని విధాలా వెనుకబడ్డారని, వారి అభివృద్ధికి వైకాపా ప్రభుత్వం కట్టుబడి ఉందని గుర్తుచేశారు. ఎస్టీలకు మంత్రి పదవి ఇవ్వడం వలన... గిరిజనుల అభ్యున్నతికి కృషి చేసే అవకాశం లభించిందన్నారు. తనకు అప్పగించిన బాధ్యతను సమర్థంగా నిర్వహిస్తానంటున్న పుష్పశ్రీవాణితో ఈటీవీ భారత్ ముఖాముఖి.