ప్రకాశం జిల్లా కందకూరులోని ఎన్నికల ప్రచార సభలో పాల్గొన్న సీఎం... ఏపీ రాజధాని లోటస్‌పాండ్ కాదు అమరావతి అన్నారు. వైకాపాను నమ్మితే శ్రీశైలం, సాగర్‌లో మన వాటా కోల్పోయే ప్రమాదముందని హెచ్చరించారు. మన ప్రాంతాన్ని మనమే ఎడారిగా మార్చుకుంటామా అని ప్రశ్నించిన చంద్రబాబు...జగన్‌కు ఓటేస్తే మోదీకి వేసినట్లేనని మరోసారి స్పష్టం చేశారు.
తెదేపా తరపున పోటీ చేయాలనుకున్న అభ్యర్ఠులను పైస్థాయిలో బెదిరించారని తెదేపా అధినేత చంద్రబాబు అన్నారు. పార్టీ మారినవాళ్లు ఒత్తిళ్లకు లొంగిపోతే ఎలా అన్న సీఎం.. తాను బెదిరించలేనా? అని ప్రశ్నించారు. పనులన్నీ చేయించుకుని పెళ్లిపీటల నుంచి పారిపోయిన వ్యక్తి ఆదాల అని విమర్శించిన సీఎం...ఈ ఎన్నికల్లో మాగుంట, ఆదాల అడ్రస్‌లు గల్లంతవుతాయని హెచ్చరించారు. కలెక్టర్‌, ఎస్పీలు, డీజీ, సీఎస్‌ను మార్చినా...మోదీ లాంటి వాళ్లకు లొంగేది లేదు, బెదిరేది లేదని సీఎం స్పష్టం చేశారు.