అమ్మ ఒక మజిలీ కాదు... జీవిత ప్రయాణం

అమ్మ గురించి చెప్పమని నన్ను అడిగినప్పుడు నా దగ్గర మాటల్లేవు. నా మస్తిష్కంలో ఆలోచనలు లేవు. మనసులో అమ్మ అందమైన రూపం తప్ప...! బహుశా... అమ్మ గురించి చెప్పమంటే ఆ బ్రహ్మ కూడా ఆలోచిస్తాడేమో. చెప్పలేక కాదు... ఎలా చెప్పాలో... ఎక్కడి నుంచి చెప్పాలో... ఎంతని చెప్పాలో తెలియక...!

భావాలకందని భావోద్వేగం అమ్మ...!
మాటలకందని భావం అమ్మ...!
అక్షరాలు రాయలేని కావ్యం అమ్మ...!
పేజీల్లో నిక్షిప్తం చేయలేని ప్రేమే అమ్మ...!
బతుకునే పాఠంగా మలిచిన గ్రంథం అమ్మ...!
భావాల వర్ణమాల అమ్మ...!
భరించే భూదేవి అమ్మ...!
పంచభూతాలకు ఆరోరూపమే అమ్మ...!
అమ్మ అంటే ఒక్క పదంలోనో... ఒక్క వాక్యం లోనో... ఒక్క పాటలోనో... ఒక్క వ్యాసం, ప్రసంగంలోనో చెప్పేది కాదు. అమ్మంటే జీవితం.

ఇదీ చూడండి : మాతృదినోత్సవం నాడు అమ్మతో సరదాగా