LIVE: సొంతగడ్డ నుంచే ఎన్నిక ప్రచారం ప్రారంభించిన వైఎస్ షర్మిల- కడప నుంచి ప్రత్యక్షప్రసారం - YS Sharmila Election Campaign - YS SHARMILA ELECTION CAMPAIGN

APCC Chief YS Sharmila Election Campaign Live: ఏపీసీసీ అధ్యక్షురాలు వైఎస్ షర్మిల తన సొంత గడ్డ కడప నుంచే ఎన్నికల ప్రచారం ప్రారంభించారు. వైఎస్సార్‌ జిల్లా పార్లమెంటు పరిధి నుంచి కాంగ్రెస్‌ తరఫున బరిలోకి దిగుతున్న ఆమె ఇవాళ ఎన్నికల శంఖారావం పూరించారు. షర్మిలకు తోడుగా వివేకా కుమార్తె సునీత ఎన్నికల ప్రచారంలో పాల్గొన్నారు. వివేకా హత్య కేసులో ఆరోపణలు ఎదుర్కొంటున్న అవినాష్ రెడ్డే లక్ష్యంగా ఇద్దరూ ప్రచారాస్త్రాలు ఎక్కుపెట్టనున్నారు. కడప పార్లమెంటు పరిధిలోని బద్వేలు నియోజకవర్గం కాశినాయన మండలం అమగంపల్లి నుంచి షర్మిల బస్సుయాత్రను ప్రారంభించారు. షర్మిలతో పాటే సునీత కూడా బస్సు యాత్రలో పాల్గొన్నారు. ఇవాళ కాశినాయన, కలసపాడు, పోరుమామిళ్ల, బీ.కోడూరు, బద్వేలు, అట్లూరు మండలాల్లో షర్మిల బస్సుయాత్ర సాగనుంది. మొదటిరోజే ఆరు మండలాల్లో పర్యటన ఉండేవిధంగా రూట్ మ్యాప్ సిద్ధం చేశారు. సొంత జిల్లాలో సీఎం జగన్​కు వ్యతిరేకంగా ఆయన సోదరి వైఎస్‌ షర్మిల ఎన్నికల ప్రచారం చేయటం వైసీపీను ఇరకాటంలో పెట్టే విధంగా ఉన్నాయనే ఆరోపణలు వినిపిస్తున్నాయి. బాబాయిని చంపినవారికి జగన్‌ టికెట్ ఇవ్వటం జీర్ణించుకోలేకనే కడప నుంచి పోటీ చేయాలని నిర్ణయించుకున్నట్లు వైఎస్ షర్మిల తెలిపారు. కాగా వైఎస్ షర్మిల డే వన్ ఎన్నికల ప్రచారం ప్రత్యక్షప్రసారం మీకోసం.