Tractor Hit Bolero Two Died In Konaseema District :కోనసీమ జిల్లా ఆలమూరు మండలం గుమ్మిలేరు సమీపంలో జరిగిన ప్రమాదంలో ఇద్దరు వ్యక్తులు మృతి చెందారు. మండపేట వైపు వెళ్తున్న బొలెరో వాహనాన్ని మండపేట నుంచి ఆలమూరు వైపు బియ్యం లోడుతో వస్తున్న ట్రాక్టర్ ఢీకొట్టింది. ప్రమాదంలో బొలెరో వాహనంలో ఉన్న ఇద్దరు అక్కడికక్కడే మరణించగా మరొకరికి తీవ్ర గాయాలయ్యాయి. గాయాలైన వ్యక్తిని స్థానిక ప్రభుత్వ ఆసుపత్రికి తరలించారు. మృతులు ఆలమూరు వాసులు లంకె సూరిబాబు, వనమాడి సాయిబాబుగా గుర్తించారు. ఈ ఘటనపై కేసు నమోదు చేసిన పోలీసులు దర్యాప్తు చేస్తున్నట్లు తెలిపారు. గాయాలయిన వ్యక్తిని స్థానిక ఆస్పత్రికి తరలించారు.
Road Accident in Alluri Ditrict Father & Son Dead :అల్లూరి జిల్లా కొయ్యూరు మండలం చింతవానిపాలెం ఘాట్ మలుపులో బైకు అదుపుతప్పి బండరాయిని ఢీకొట్టింది. ఈ ప్రమాదంలో తండ్రి, కుమారుడు మృతి చెందారు. భార్యకు చెయ్యి విరిగిపోగా, కుమార్తెకు గాయాలయ్యాయి. వారిని రాజేంద్రపాలెం ఆసుపత్రికి తరలించారు. మెరుగైన చికిత్స కోసం అక్కడి నుంచి నర్సీపట్నం ఆసుపత్రికి తీసుకెళ్లారు. మృతులు అడ్డతీగలకు చెందిన యనమదల రాంబాబు, ప్రశాంత్గా గుర్తించారు. బంధువులు ఇంటికి బాలారం వెళ్లి వస్తుండగా ప్రమాదం జరిగింది.