AP Rain Alert: మూడు రోజుల పాటు ఆంధ్రప్రదేశ్, తమిళనాడుల్లో వర్షాలు కురిసే అవకాశముందని భారత వాతావరణ శాఖ (India Meteorological Department) తెలిపింది. బంగాళాఖాతంలో ఉపరితల ఆవర్తనం ఏర్పడిందని, దీని ప్రభావంతో ఆదివారం, సోమవారం, మంగళవారాల్లో తేలికపాటి నుంచి ఓ మోస్తరు వర్షాలు పడే అవకాశం ఉందని పేర్కొంది.
ఆదివారం తమిళనాడు, పుదుచ్చేరిలోని కొన్ని ప్రాంతాల్లో భారీ వర్షాలు కురిసే అవకాశం ఉందని అంచనా వేసింది. అదే విధంగా ఆంధ్రప్రదేశ్లోని దక్షిణ కోస్తా, రాయలసీమలోని పలు ప్రాంతాల్లోనూ తేలికపాటి నుంచి మోస్తరు వర్షాలు పడతాయని చెప్పింది. శ్రీపొట్టిశ్రీరాములు నెల్లూరు, తిరుపతి, చిత్తూరు, వైఎస్సార్, ప్రకాశం, అన్నమయ్య తదితర జిల్లాల్లో సైతం వర్షాలు కురిసే అవకాశం ఉన్నట్లు పేర్కొంది.