'అక్రమ కేసులతో వేధిస్తున్నారు' - మరో వివాదంలో ఎమ్మెల్యే కొలికపూడి

మరో వివాదంలో తిరువూరు ఎమ్మెల్యే కొలికపూడి - కొలికపూడి వేధిస్తున్నారంటూ టీడీపీ కార్యకర్త ఆత్మహత్యాయత్నం

MLA Kolikapudi Srinivasa Rao Another Controversy:తిరువూరు ఎమ్మెల్యే కొలికిపూడి శ్రీనివాసరావు మరో వివాదంలో చిక్కుకున్నారు. ఎమ్మెల్యే కొలికపూడి వేధింపులు తాళలేక తెలుగుదేశం కార్యకర్త డేవిడ్ గురువారం పురుగులు మందు తాగి ఆత్మహత్యయత్నానికి పాల్పడ్డాడు. పార్టీ కోసం కష్టపడిన తనని అక్రమ కేసులతో కొలికిపూడి వేధిస్తున్నాడని ఆత్మహత్య యత్నానికి ముందు డేవిడ్ సెల్ఫీ వీడియో తీసుకున్నాడు.

ప్రస్తుతం డేవిడ్ విజయవాడలోని ఓ ఆసుపత్రిలో చికిత్స పొందుతున్నాడు. డేవిడ్ సెల్ఫీ వీడియో ఆలస్యంగా వెలుగులోకి వచ్చింది. వీడియో బయటకు రాకుండా కొలికిపూడి అందరినీ బెదిరించాడంటూ ఆరోపణలు వినిపిస్తున్నాయి.