சென்னை: பிரபல தொலைக்காட்சி சேனலில் ஒளிபரப்பாகும் சீரியலில் நடித்து வருபவர் சதீஷ்குமார் (45). இவர் பெசன்ட் நகர் கலாஷேத்ரா காலனியில் வசித்து வருகிறார். இந்நிலையில், கடந்த ஆண்டு பெசன்ட் நகரில் உள்ள முருகன் கோயிலுக்கு சாமி கும்பிடச் சென்றபோது, அங்கு வந்த 40 வயது மதிக்கத்தக்க ஒரு பெண் புகைப்படம் எடுக்க முற்பட்டதாகவும், சாமி கும்பிட்டு விட்டு வந்து புகைப்படம் எடுத்துக் கொள்ளலாம் என நடிகர் கூறியதாகவும் கூறப்படுகிறது.
இதனையடுத்து, அந்த பெண் சீரியல் நடிகரின் மொபைல் எண்ணைக் கண்டறிந்து தொடர்ச்சியாக தொந்தரவு செய்து வந்ததாகவும், இதனால் அந்தப் பெண்ணின் மொபைல் எண்ணை நடிகர் பிளாக் செய்ததாகவும் கூறப்படுகிறது.