நீலகிரி முன்னாள் பாஜக எம்.பி மாஸ்டர் மதன் காலமானர்.. பிரதமர் மோடி, அண்ணாமலை உள்ளிட்டோர் இரங்கல் - nilgiris Ex mp master mathan

nilgiris former bjp mp master mathan: நீலகிரி தொகுதி முன்னாள் பாஜக எம்பி மாஸ்டர் மதன்(92) வயது மூப்பு காரணமாக நேற்று நள்ளிரவு காலமானார். அவரது மறைவுக்கு பாஜக தலைவர்கள் பலரும் இரங்கல் தெரிவித்துள்ளனர்.

கோவை:நீலகிரி நாடாளுமன்றத் தொகுதி முன்னாள் பாஜக உறுப்பினர் மாஸ்டர் மதன்( வயது 92) வயதுமூப்பு காரணமாக காலமானார். 1998 - 2004 வரை நீலகிரி தொகுதியில் இருந்து தேர்ந்தெடுக்கப்பட்ட மாஸ்டர் மதன், கோவை மேட்டுப்பாளையம் அருகே உள்ள பிரஸ் காலனி பகுதியில் வசித்து வந்த நிலையில், நேற்று இரவு 11 மணிக்கு காலமானார்.

மாஸ்டர் மதன் மறைவுக்கு பிரதமர் மோடி தனது எக்ஸ் பக்கத்தில் இரங்கல் தெரிவித்துள்ளார். அவரது இரங்கல் பதிவில், "முன்னாள் நாடாளுமன்ற உறுப்பினர் திரு மாஸ்டர் மதன் அவர்களின் மறைவு மிகுந்த வேதனையளிக்கிறது. அவர் தமது சமூக சேவை முயற்சிகளுக்காகவும் ஒடுக்கப்பட்ட மக்களுக்காக உழைத்ததற்காகவும் என்றென்றும் நினைவுகூறப்படுவார். தமிழகத்தில் எங்கள் கட்சியை வலுப்படுத்தவும் அவர் அரும்பாடு பட்டார். அவரது குடும்பத்தினருக்கும் ஆதரவாளர்களுக்கும் எனது ஆழ்ந்த இரங்கல்கள். ஓம் சாந்தி" எனக் குறிப்பிட்டுள்ளார்.

பாஜக மாநிலத் தலைவர் கே.அண்ணாமலை, பாஜக எம்.எல்.ஏ வானதி சீனிவாசன் உள்ளிட்ட பலரும் இரங்கல் தெரிவித்துள்ளனர்.