மதுரை:திருவாரூர் மாவட்டத்தைச் சேர்ந்தவர் பிரவீணா (வயது 37). நிறைமாத கர்ப்பிணியாக இருந்த இவர் நேற்று மதுரை எம்.ஜி.ஆர். பேருந்து நிலையத்திற்கு வந்துள்ளார். நான்காவது நடைமேடையில் வந்து இறங்கிய நிலையில், அப்பெண்ணுக்கு திடீரென பிரசவ வலி ஏற்பட்டுள்ளது.
இதனைக் கண்ட பொதுமக்கள் உடனடியாக ஆம்புலன்ஸ்க்கு தகவல் தெரிவித்துள்ளனர். பெண்ணுடன் உதவிக்கு யாரும் இல்லாத நிலையில், ஆம்புலன்ஸ் அந்த இடத்திற்கு வருவதற்குள்ளாகவே, அப்பெண்ணிற்கு குழந்தை பிறந்து விட்டது. இந்த நிலையில் பிரசவமான உடன் பச்சிளம் குழந்தைக்கு கிடைக்க வேண்டிய உடனடி மருத்துவ சிகிச்சை கிடைக்காததால் குழந்தை இறந்து போனதாக கூறப்படுகிறது.