தமிழ்நாடு

tamil nadu

ETV Bharat / state

குடியரசு தின பிரம்மாண்ட அலங்கார அணிவகுப்பு ஊர்திகள்! முதல் நாள் ஒத்திகை அணிவகுப்பு! - REPUBLIC DAY CHENNAI PARADE

குடியரசு தினத்திற்கான முதல் ஒத்திகை அணிவகுப்பு நிகழ்ச்சி இன்று (ஜன.20) காலை சென்னை உழைப்பாளர் சிலை அருகே நடைபெற்றது.

குடியரசு தின ஒத்திகை அணிவகுப்பு
குடியரசு தின ஒத்திகை அணிவகுப்பு (ETV Bharat Tamil Nadu)

By ETV Bharat Tamil Nadu Team

Published : Jan 20, 2025, 12:33 PM IST

சென்னை:இந்திய நாட்டின் 76-வது குடியரசு தினம் ஜனவரி 26ஆம் தேதி நாடு முழுவதும் கொண்டாடப்படுகிறது. இதனை முன்னிட்டு சென்னை மெரினா கடற்கரை, காமராஜர் சாலையில் உள்ள உழைப்பாளர் சிலை அருகே குடியரசு தின விழாவின் முதல் அணிவகுப்பு ஒத்திகை நிகழ்ச்சி இன்று (ஜன.20) நடைபெற்றது.

இந்த ஜனவரி 26ஆம் தேதி நடைபெறும் இந்த நிகழ்ச்சியில் ஆளுநர் ஆர்.என்.ரவி தேசிய கொடி ஏற்ற உள்ளார். அந்த நிகழ்ச்சியில் கலச்சாரம் மற்றும் பாரம்பரியத்தை பறைசாற்றும் விதமாக அணிவகுப்புகள் நடைபெறுவது வழக்கம். இந்நிலையில் அந்த அணிவகுப்பிற்கான ஒத்திகை நிகழ்ச்சிகள் இன்று முதல் தொடங்கியுள்ளது. இதையடுத்து, வருகிற ஜன.22, 24ஆம் தேதிகளிலும் ஒத்திகை நிகழ்ச்சியானது நடைபெற உள்ளதால் அன்றைய தினங்களிலும், குடியரசு தினத்தன்றும் சென்னை மெரினா கடற்கரை, காமராஜர் சாலைகளில் போக்குவரத்து மாற்றம் செய்யப்பட்டுள்ளது. அதன்படி காமராஜர் சாலையில், காந்தி சிலை முதல் போர் நினைவுச் சின்னம் வரை காலை 6 மணி முதல் நிகழ்ச்சி முடியும் வரை வாகனங்கள் அனுமதிக்கப்பட மாட்டாது என தெரிவிக்கப்பட்டுள்ளது.

இன்றயை ஒத்திகை அணிவகுப்பு நிகழ்ச்சியில் ஆளுநர் மற்றும் முதலமைச்சர் வருவது போல் ஒத்திகைகள் மற்றும்
முப்படை வீரர்கள், காவல் துறையினர், மத்திய தொழில் பாதுகாப்பு படையினர், தீயணைப்பு வீரர்கள், தேசிய மாணவர் படையினர் மற்றும் பள்ளி, கல்லூரி மாணாக்கர்களின் அணிவகுப்பு மற்றும் கலை நிகழ்ச்சிக்கான ஒத்திகை நடைபெற்றது. ஒவ்வொரு ஆண்டும் காமராஜர் சாலையில் உள்ள காந்தி சிலை அருகே குடியரசு தின விழா நடைபெறும். ஆனால், இந்த ஆண்டு அந்த பகுதிகளில் மெட்ரோ பணிகள் நடைபெற்று வருவதால் மாற்று இடமாக உழைப்பாளர் சிலை அருகே குடியரசு தின விழா நடைபெற உள்ளது.

குடியரசு தின ஒத்திகை அணிவகுப்பு (ETV Bharat Tamil Nadu)

மேலும், குடியரசு தினத்தன்று அண்ணா பதக்கம், வேளாண்மை விருது, காந்தியடிகள் காவலர்கள் பதக்கங்கள், சிறந்த காவல் நிலையத்திற்கான விருதுகள் ஆகிய விருதுகளை முதலமைச்சர் வழங்க உள்ளார். அதேபோல் இந்த நிகழ்ச்சியில் அந்தந்த துறைகள் சார்ந்த சாதனைகளை விளக்கும் வகையில் அலங்கார அணிவகுப்பு ஊர்திகள் இந்த குடியரசு தினத்தன்று பங்கேற்க உள்ளது. அதற்கான முதல் நாள் ஒத்திகை நிகழ்ச்சி இன்று காலை 7.30 முதல் 9.00 மணி வரை நடைபெற்றது.

குடியரசு தின ஒத்திகை (ETV Bharat Tamil Nadu)

இதையும் படிங்க:ஆளுநர் விருது - 2024: சமூக சேவை மற்றும் சுற்றுசூழல் பாதுகாப்பில் சேவையாற்றும் நபர்கள், அமைப்புகள் தேர்வு!

அலங்கார அணிவகுப்பு ஊர்திகள் :

  1. செய்தித்துறை சார்பாக மங்கள இசை அணிவகுப்பு
  2. செய்தித்துறை அணிவகுப்பு
  3. காவல்துறையின் அணிவகுப்பு
  4. இளைஞர் நலன் மற்றும் விளையாட்டுத்துறை அணிவகுப்பு
  5. கூட்டுறவுத்துறை அணிவகுப்பு
  6. ஊரக வளர்ச்சித்துறை அணிவகுப்பு
  7. வேளாண்மை மற்றும் உழவர் நலத்துறை அணிவகுப்பு
  8. பள்ளிக்கல்வித்துறை அணிவகுப்பு
  9. மருத்துவம் மற்றும் மக்கள் நல்வாழ்வுத்துறை அணிவகுப்பு
  10. கைத்தறி அணிவகுப்பு
  11. சுற்றுலாத்துறை அணிவகுப்பு
  12. சமூக நலத்துறை அணிவகுப்பு
  13. கால்நடை பராமரிப்புத்துறை அணிவகுப்பு
  14. பொது தேர்தல் துறை அணிவகுப்பு
  15. தகவல் தொழில்நுட்பவியல் துறை அணிவகுப்பு
  16. வீட்டு வசதித்துறை அணிவகுப்பு
  17. வனத்துறை அணிவகுப்பு
  18. இந்து சமய அறநிலையத்துறை அணிவகுப்பு
  19. மீன் வளத்துறை மற்றும் மீனவர் நலத்துறை அணிவகுப்பு

ABOUT THE AUTHOR

...view details