கொல்கத்தா : 17வது ஐபிஎல் கிரிக்கெட் தொடர் நாடு முழுவதும் பல்வேறு நகரங்களில் நடைபெற்று வருகிறது. இதில் இன்று (ஏப்.26) இரவு 7.30 மணிக்கு கொல்கத்தாவில் நடைபெறும் 42வது லீக் ஆட்டத்தில் கொல்கத்தா நைட் ரைடர்ஸ் - பஞ்சாப் கிங்ஸ் அணிகள் பலப்பரீட்சை நடத்துகின்றன.
டாஸ் வென்ற பஞ்சாப் அணியின் கேப்டன் சாம் கரன் பந்துவீச்சை தேர்வு செய்தார். கொல்கத்தா நைட் ரைடர்ஸ் அணி விளையாடிய 7 போட்டிகளில் ஐந்தில் வெற்றியும் இரண்டில் தோல்வியும் கண்டுள்ளது. அதேசமயம் பஞ்சாப் கிங்ஸ் அணி 8 போட்டிகளில் 6ல் தோல்வியடைந்து இரண்டில் மட்டுமே வெற்றி பெற்றுள்ளது.
கொல்கத்தா நைட் ரைடர்ஸ் மற்றும் பஞ்சாப் கிங்ஸ் அணிகள் ஐபிஎலில் இதுவரை 32 ஆட்டங்களில் நேருக்கு நேர் மோதியுள்ளன. இதில் கொல்கத்தா நைட் ரைடர்ஸ் அணி 21 போட்டிகளில் வெற்றி பெற்றுள்ளது. பஞ்சாப் கிங்ஸ் அணி 11 போட்டிகளில் மட்டுமே வெற்றி பெற்றுள்ளது. இந்த சீசனில் இரு அணிகளும் முதன் முறையாக மோதுகின்றன.