ਜਲੰਧਰ: ਦੇਸ਼ ਵਿੱਚ ਅਕਤੂਬਰ ਮਹੀਨੇ ਤੋਂ ਤਿਉਹਾਰਾਂ ਦਾ ਸੀਜ਼ਨ ਸ਼ੁਰੂ ਹੋ ਜਾਂਦਾ ਹੈ। ਤਿਉਹਾਰਾਂ ਦੇ ਚੱਲਦੇ ਮਿਠਾਈਆਂ ਦਾ ਸਭ ਤੋਂ ਜ਼ਿਆਦਾ ਆਦਾਨ ਪ੍ਰਦਾਨ ਹੁੰਦਾ ਹੈ। ਪਰ ਪੰਜਾਬ ਵਿੱਚ ਹਾਲਾਤ ਕੁਝ ਅਜਿਹੇ ਹਨ ਕਿ ਬਾਜ਼ਾਰ ਵਿੱਚ ਮਿਲਣ ਵਾਲਾ 41 ਬਸੰਤ ਦੁੱਧ ਆਪਣੀ ਗੁਣਵੱਤਾ ਵਿਚ ਪੂਰਾ ਨਹੀਂ ਹੈ। ਇਹੀ ਨਹੀਂ ਬਹੁਤ ਸਭਿਆ ਮਿਠਾਈ ਦੀਆਂ ਦੁਕਾਨਾਂ ਤੇ ਵਿਕਣ ਵਾਲੀਆਂ ਅਲੱਗ ਅਲੱਗ ਮਿਠਾਈਆਂ ਲੋਕਾਂ ਦੀ ਜ਼ਿੰਦਗੀ ਲਈ ਬੇਹੱਦ ਹਾਨੀਕਾਰਕ ਹਨ। ਇਸ ਵਿੱਚ ਸਭ ਤੋਂ ਵੱਧ ਹਾਨੀਕਾਰਕ ਮਿਠਾਈਆਂ ਵਿੱਚ ਇਸਤੇਮਾਲ ਹੋਣ ਵਾਲਾ ਰੰਗ ਅਤੇ ਮਿਠਾਈਆਂ ਦੇ ਉਪਰ ਇਸਤੇਮਾਲ ਹੋਣ ਵਾਲੇ ਚਾਂਦੀ ਦੇ ਵਰਕ ਦੀ ਜਗ੍ਹਾ ਅਲਮੀਨੀਅਮ ਦਾ ਵਰਕ ਹੈ।
ਤਿਉਹਾਰਾਂ ਦੇ ਚੱਲਦੇ ਮਿਲਾਵਟੀ ਦੁੱਧ ਬਣਿਆ ਚਿੰਤਾ ਦਾ ਵਿਸ਼ਾ: ਪੰਜਾਬ ਵਿੱਚ ਇੱਕ ਰਿਪੋਰਟ ਦੇ ਮੁਤਾਬਕ ਬਾਜ਼ਾਰ ਵਿੱਚ ਮਿਲਣ ਵਾਲਾ 41 ਫੀਸਦ ਦੁੱਧ ਮਿਲਾਵਟੀ ਹੈ ਜੋ ਸਿਹਤ ਲਈ ਬੇਹੱਦ ਹਾਨੀਕਾਰਕ ਹੈ। ਦੁੱਧ ਵਿੱਚ ਪਾਏ ਜਾਣ ਵਾਲੇ ਪੌਸ਼ਟਿਕ ਪਦਾਰਥਾਂ ਦੀ ਜਗ੍ਹਾ ਤੇਲ ਅਤੇ ਮਿਲਕ ਪਾਊਡਰ ਦੀ ਵਰਤੋਂ ਸਾਹਮਣੇ ਆ ਰਹੀ ਹੈ। ਪੰਜਾਬ ਵਿਚ ਸਟੇਟ ਫੂਡ ਐਂਡ ਡਰੱਗਜ਼ ਐਡਮਨਿਸਟ੍ਰੇਸ਼ਨ ਵੱਲੋਂ ਲਏ ਗਏ 676 ਦੁੱਧ ਦੇ ਸੈਂਪਲਾਂ ਵਿੱਚੋਂ 278 ਸੈਂਪਲ ਫੇਲ੍ਹ ਪਾਏ ਗਏ ਨੇ ਜੋ ਇਨਸਾਨ ਦੇ ਸਰੀਰ ਲਈ ਬੇਹੱਦ ਹਾਨੀਕਾਰਕ ਹਨ।
ਜੇ ਦੁੱਧ ਹੀ ਖਰਾਬ ਆ ਰਿਹਾ ਹੈ ਤਾਂ ਮਿਠਾਈ ਕਿੱਦਾਂ ਬਣੇਗੀ ਸਹੀ: ਜਲੰਧਰ ਵਿਖੇ ਗਣੇਸ਼ ਸਵੀਟ ਸ਼ਾਪ ਦੇ ਮਾਲਕ ਸੁਭਾਸ਼ ਚੰਦਰ ਦਾ ਕਹਿਣਾ ਹੈ ਕਿ ਜ਼ਿਆਦਾਤਰ ਮਿਠਾਈਆਂ ਵਿੱਚ ਦੁੱਧ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਸਿਹਤ ਵਿਭਾਗ ਜੇ ਦੁੱਧ ਦੇ ਵਪਾਰ ਤੇ ਸਖ਼ਤੀ ਕਰੇ ਤਾਂ ਬਾਜ਼ਾਰ ਵਿੱਚ ਸਹੀ ਦੁੱਧ ਸੰਭਵ ਹੈ। ਪਰ ਅੱਜ ਜੋ ਹਾਲਾਤ ਨਜ਼ਰ ਆ ਰਹੇ ਨੇ ਉਸ ਨਾਲ ਬਾਜ਼ਾਰ ਵਿਚ ਸਪਲਾਈ ਹੋਣ ਵਾਲਾ ਤਕਰੀਬਨ ਅੱਧਾ ਦੁੱਧ ਮਿਲਾਵਟੀ ਹੈ ਜਿਸ ਕਰਕੇ ਆਮ ਇਨਸਾਨ ਤੂੰ ਇਸ ਦਾ ਨੁਕਸਾਨ ਭੁਗਤਣਾ ਪੈ ਰਿਹਾ ਹੈ।
ਸੁਭਾਸ਼ ਚੰਦਰ ਦੇ ਮੁਤਾਬਕ ਦੁੱਧ ਵਿੱਚ ਮਿਲਾਵਟ ਚੈੱਕ ਕਰਨ ਲਈ ਕਿਸੇ ਵੀ ਹਲਵਾਈ ਕੋਲ ਕੋਈ ਸਦ ਨਹੀਂ ਹੁੰਦਾ ਹੈ। ਸਿਰਫ ਦੁੱਧ ਦੀ ਫੈਟ ਚੈੱਕ ਕੀਤਾ ਜਾ ਸਕਦਾ ਹੈ। ਜ਼ਾਹਿਰ ਹੈ ਜੇ ਦੁੱਧ ਹੀ ਮਿਲਾਵਟੀ ਹੈ ਤਾਂ ਉਸ ਨਾਲ ਬਣਨ ਵਾਲੀਆਂ ਮਿਠਾਈਆਂ ਕਿੱਦਾਂ ਸੇਫ ਹੋ ਸਕਦੀਆਂ ਹਨ। ਸੁਭਾਸ਼ ਚੰਦਰ ਦੇ ਮੁਤਾਬਕ ਪ੍ਰਸ਼ਾਸਨ ਨੂੰ ਮਿਠਾਈ ਦੀਆਂ ਦੁਕਾਨਾਂ ਤੇ ਕਾਰਵਾਈ ਕਰਨ ਦੀ ਜਗ੍ਹਾ ਪਹਿਲੇ ਦੁੱਧ ਭਾਰਤ ਦੇ ਵਪਾਰੀਆਂ ਇਸ ਤੇ ਕਾਰਵਾਈ ਕਰਨੀ ਚਾਹੀਦੀ ਹੈ ਤਾਂ ਕਿ ਬਾਜ਼ਾਰ ਵਿੱਚ ਇਹ ਦੁੱਧ ਸਪਲਾਈ ਹੋ ਸਕੇ ਜੋ ਇਨਸਾਨ ਦੀ ਸਿਹਤ ਲਈ ਚੰਗਾ ਹੁੰਦਾ ਹੈ।
ਮਿਠਾਈਆਂ ਉੱਪਰ ਚਾਂਦੀ ਦੇ ਵਰਕ ਦੀ ਜਗ੍ਹਾ ਅਲਮੀਨੀਅਮ ਦਾ ਵਰਕ ਵੀ ਸਾਬਿਤ ਹੋ ਰਿਹਾ ਜਾਨਲੇਵਾ : ਆਮ ਤੌਰ ਤੇ ਹਲਵਾਈਆਂ ਵੱਲੋਂ ਮਿਠਾਈ ਨੂੰ ਸੁੰਦਰ ਅਤੇ ਪੌਸ਼ਟਿਕ ਬਣਾਉਣ ਲਈ ਉਸ ਉਪਰ ਚਾਂਦੀ ਦਾ ਵਰਕ ਲਗਾਇਆ ਜਾਂਦਾ ਹੈ। ਇਹ ਪ੍ਰਥਾ ਕੋਈ ਨਵੀਂ ਨਹੀਂ ਹੈ, ਪਰ ਕਿਉਂਕਿ ਚਾਂਦੀ ਦਾ ਵਰਕ ਮਹਿੰਗਾ ਪੈਂਦਾ ਹੈ ਇਸ ਲਈ ਇਸ ਦੀ ਥਾਂ ਤੇ ਹੁਣ ਕਈ ਹਲਵਾਈਆਂ ਵੱਲੋਂ ਅਲਮੀਨੀਅਮ ਦੇ ਵਰਕ ਦਾ ਇਸਤੇਮਾਲ ਕੀਤਾ ਜਾ ਰਿਹਾ ਹੈ ਜੋ ਇਨਸਾਨ ਦੀ ਜ਼ਿੰਦਗੀ ਲਈ ਬੇਹੱਦ ਖਤਰਨਾਕ ਹੈ। ਐਫਡੀਏ ਮੁਤਾਬਕ ਇਸ ਚੀਜ਼ ਨੂੰ ਦੇਖਦੇ ਹੋਏ ਪਿਛਲੇ ਕੁਝ ਸਮੇਂ ਵਿੱਚ ਮਿਠਾਈਆਂ ਦੀਆਂ ਦੁਕਾਨਾਂ ਤੋਂ 164 ਸੈਂਪਲ ਲਏ ਗਏ ਸੀ ਜਿਨ੍ਹਾਂ ਵਿੱਚੋਂ ਜ਼ਿਆਦਾਤਰ ਉੱਪਰ ਚਾਂਦੀ ਦੇ ਵਰਕ ਦੀ ਜਗ੍ਹਾ ਅਲਮੀਨੀਅਮ ਦੇ ਵਰਕ ਦਾ ਇਸਤੇਮਾਲ ਕੀਤਾ ਗਿਆ ਹੇੈ। ਜ਼ਾਹਿਰ ਹੈ ਬਾਜ਼ਾਰਾਂ ਵਿੱਚ ਵਿਕਣ ਵਾਲੀਆਂ ਮਿਠਾਈਆਂ ਲੋਕਾਂ ਦੀ ਸਿਹਤ ਲਈ ਬੇਹੱਦ ਹਾਨੀਕਾਰਕ ਹਨ।