ਅਨਾਜ ਮੰਡੀ ਦੀ ਚਾਰ ਦੀਵਾਰੀ ਤੋੜੇ ਜਾਣ ਕਾਰਨ ਮਜ਼ਦੂਰ ਪਰੇਸ਼ਾਨ

ਸੂਬੇ ਦੀ ਮੰਡੀਆਂ ਵਿੱਚ ਸਰਕਾਰੀ ਪੱਧਰ 'ਤੇ ਕਣਕ ਦੀ ਖ਼ਰੀਦ ਸ਼ੁਰੂ ਹੋ ਗਈ ਹੈ। ਫਰੀਦਕੋਟ ਦੀ ਅਨਾਜ ਮੰਡੀ ਵਿੱਚ ਕਣਕ ਦੀ ਖਰੀਦ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਮੰਡੀ ਬੋਰਡ ਕਮੇਟੀ ਵੱਲੋਂ ਮੰਡੀ ਚਾਰ ਦੀਵਾਰੀ ਤੋੜ ਦਿੱਤੀ ਗਈ ਹੈ। ਮੰਡੀ ਵਿੱਚ ਚਾਰ ਦੀਵਾਰੀ ਨਾ ਹੋਣ ਕਾਰਨ ਮਜ਼ਦੂਰ ਪਰੇਸ਼ਾਨ ਹਨ। ਉਨ੍ਹਾਂ ਨੂੰ ਅਨਾਜ ਚੋਰੀ ਹੋਣ ਅਤੇ ਅਵਾਰਾ ਪਸ਼ੂਆਂ ਵੱਲੋਂ ਅਨਾਜ ਖ਼ਰਾਬ ਕੀਤੇ ਜਾਣ ਦਾ ਡਰ ਬਣ ਗਿਆ ਹੈ।

ਫਰੀਦਕੋਟ : ਜ਼ਿਲ੍ਹੇ ਵਿੱਚ ਅਨਾਜ ਮੰਡੀ ਦੀ ਚਾਰ ਦੀਵਾਰੀ ਟੁੱਟੀ ਹੋਣ ਕਾਰਨ ਮਜ਼ਦੂਰ ਬੇਹਦ ਨਿਰਾਸ਼ ਹਨ। ਜਿਸ ਕਾਰਨ ਮੰਡੀ 'ਚ ਕੰਮ ਕਰਨ ਵਾਲੇ ਮਜ਼ਦੂਰਾਂ ਨੂੰ ਕਈ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਮਜ਼ਦੂਰਾਂ ਨੇ ਦੱਸਿਆ ਕਿ ਅਨਾਜ ਮੰਡੀ ਦੀ ਦੀਵਾਰ ਪਹਿਲਾਂ ਕਈ ਥਾਵਾਂ ਤੋਂ ਟੁੱਟੀ ਹੋਈ ਸੀ। ਮੰਡੀ ਬੋਰਡ ਕਮੇਟੀ ਦੀ ਕਮੇਟੀ ਵੱਲੋਂ ਨਵੀਂ ਦੀਵਾਰੀ ਦੀ ਉਸਾਰੀ ਲਈ ਮੰਡੀ ਦੀ ਚਾਰ ਦੀਵਾਰੀ ਨੂੰ ਢਾਹ ਦਿੱਤਾ ਗਈ ਪਰ ਉਸ ਦੀ ਥਾਂ ਅਜੇ ਤੱਕ ਨਵੀਂ ਦੀਵਾਰ ਨਹੀਂ ਬਣਾਈ ਗਈ। ਇਸ ਨਾਲ ਅਨਾਜ ਚੋਰੀ ਹੋਣ ਦਾ ਖ਼ਤਰਾ ਵੱਧ ਗਿਆ ਹੈ। ਇਸ ਤੋਂ ਇਲਾਵਾ ਚਾਰ ਦੀਵਾਰੀ ਨਾ ਹੋਂਣ ਕਾਰਨ ਮੀਂਹ ਵੇਲੇ ਅਤੇ ਅਵਾਰਾ ਪਸ਼ੂਆਂ ਵੱਲੋਂ ਅਨਾਜ ਖ਼ਰਾਬ ਕੀਤੇ ਜਾਣ ਦਾ ਵੀ ਖ਼ਦਸ਼ਾ ਪ੍ਰਗਟ ਹੋ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਅਨਾਜ ਮੰਡੀ ਦੀ ਸਾਰੀਆਂ ਹੀ ਦੀਵਾਰਾਂ ਨੂੰ ਤੋੜ ਦਿੱਤਾ ਗਿਆ ਹੈ। ਇਥੇ ਅਨਾਜ ਦੀ ਸੁਰੱਖਿਆ ਦਾ ਕੋਈ ਪ੍ਰਬੰਧ ਨਹੀਂ ਹੈ। ਅਜਿਹੇ ਵਿੱਚ ਜੇਕਰ ਕਿਸੇ ਵੀ ਤਰੀਕੇ ਨਾਲ ਅਨਾਜ ਦਾ ਨੁਕਸਾਨ ਹੁੰਦਾ ਹੈ ਤਾਂ ਇਸ ਦੀ ਭਰਪਾਈ ਮਜ਼ਦੂਰਾਂ ਨੂੰ ਕਰਨੀ ਪੈਂਦੀ ਹੈ। ਮਜ਼ਦੂਰਾਂ ਵੱਲੋਂ ਜ਼ਿਲ੍ਹਾ ਪ੍ਰਸ਼ਾਸਨ ਕੋਲੋਂ ਅਨਾਜ ਮੰਡੀ 'ਚ ਚਾਰ ਦੀਵਾਰੀ ਦੀ ਉਸਾਰੀ ਸਮੇਤ ਹੋਰਨਾਂ ਸਹੂਲਤਾਂ ਦੀ ਮੰਗ ਕੀਤੀ ਗਈ ਹੈ।

ਜ਼ਿਲ੍ਹੇ ਦੇ ਏਡੀਸੀ ਗੁਰਜੀਤ ਸਿੰਘ ਨੇ ਜਲਦ ਹੀ ਅਨਾਜ ਮੰਡੀ ਦੀ ਚਾਰੀ ਦੀਵਾਰੀ ਬਣਵਾਉਣ ਅਤੇ ਮਜ਼ਦੂਰਾਂ ਲਈ ਹੋਰ ਸਹੂਲਤਾਂ ਮੁਹਇਆ ਕਰਵਾਉਣ ਦਾ ਭਰੋਸਾ ਦਿੱਤਾ ਹੈ।