ਅੰਮ੍ਰਿਤਸਰ: ਮਜੀਠਾ ਰੋਡ ਇਲਾਕੇ ਵਿਖੇ ਇੱਕ ਮੁਲਜ਼ਮ ਨੇ ਮਹਿਲਾ ਵਕੀਲ ਨੂੰ ਰੋਕ ਕੇ ਉਸ ਦੇ ਮੂੰਹ ਉੱਤੇ ਤੇਜ਼ਾਬ ਸੁੱਟਣ ਦੀ ਕੋਸ਼ਿਸ਼ ਕੀਤੀ ਗਈ। ਤੇਜ਼ਾਬ ਉਸ ਦੇ ਮੂੰਹ 'ਤੇ ਨਹੀਂ ਡਿੱਗਿਆ ਜਿਸ ਕਾਰਨ ਮਹਿਲਾਂ ਵਕੀਲ ਦਾ ਬਚਾਅ ਹੋ ਗਿਆ। ਮਹਿਲਾ ਵਕੀਲ ਵੱਲੋਂ ਇਸ ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਹੈ। ਪੁਲਿਸ ਨੇ ਦੱਸਿਆ ਹੈ ਉਨ੍ਹਾਂ ਵੱਲੋਂ ਇਸ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਮੁਲਜ਼ਮ ਪਹਿਲਾਂ ਜੇਲ੍ਹ ਤੋਂ ਜ਼ਮਾਨਤ 'ਤੇ ਘਰ ਆਇਆ ਹੈ।
ਪੀੜਤਾ ਨੇ ਦੱਸਿਆ ਹੈ ਕਿ ਉਹ ਆਪਣੇ ਭਰਾ ਨਾਲ ਘਰ ਜਾ ਰਹੀ ਸੀ। ਰਾਹ ਵਿੱਚ ਮੌਕਾ ਮਿਲਦੇ ਉਸ ਦੋਸ਼ੀ ਨੇ ਉਸ ਉੱਤੇ ਤੇਜ਼ਾਬ ਸੁੱਟਿਆ, ਪਰ ਤੇਜ਼ਾਬ ਉਸ ਦੇ ਮੂੰਹ ਦੀ ਬਜਾਏ ਉਸ ਦੀ ਜੈਕਟ 'ਤੇ ਜਾ ਡਿੱਗਿਆ। ਇਸ ਕਾਰਨ ਉਸ ਦੀ ਜਾਣ ਦਾ ਬਚਾਅ ਹੋ ਗਿਆ। ਦੋਸ਼ੀ ਇਸ ਤੋਂ ਬਾਅਦ ਆਪਣੇ ਮੋਟਰਸਾਈਕਲ ਤੇ ਫ਼ਰਾਰ ਹੋ ਗਿਆ। ਪੀੜਤਾ ਵੱਲੋਂ ਦੋਸ਼ ਲਗਾਉਂਦਿਆ ਕਿਹਾ ਗਿਆ ਕਿ ਦੋਸ਼ੀ ਉਸ ਨੂੰ ਪਹਿਲਾਂ ਵੀ ਪ੍ਰੇਸ਼ਾਨ ਕਰਦਾ ਰਿਆ ਹੈ ਅਤੇ ਵਾਰਦਾਤ ਤੋਂ ਬਾਅਦ ਵੀ ਉਸ ਨੂੰ ਧਮਕਾਉਂਦਾ ਰਿਆ ਹੈ।