ਅੰਮ੍ਰਿਤਸਰ: ਛੇਹਰਟਾ ਇਲਾਕੇ ਦੇ ਇੱਕ ਨੌਜਵਾਨ (Chehrata area of Amritsar) ਨੇ ਨਸ਼ੇ ਦੀ ਦਲਦਲ ਵਿੱਚੋਂ ਬਾਹਰ ਆਉਣ ਲਈ ਖੁੱਦ ਆਵਾਜ਼ ਬੁਲੰਦ ਕੀਤੀ ਹੈ। ਦੱਸ ਦਈਏ ਕਿ ਨਸ਼ਾ ਛੱਡਣ ਦੀ ਇੱਛਾ ਲੈਕੇ ਸਮਾਜ ਸੇਵੀ ਸਰਬਜੀਤ ਸਿੰਘ ਹੈਰੀ (Social worker Sarabjit Singh Harry) ਕੋਲ ਪਹੁੰਚੇ ਨੌਜਵਾਨ ਨੇ ਕਿਹਾ ਕਿ ਨਸ਼ੇ ਕਾਰਨ ਉਸ ਦਾ ਕੰਮਕਾਰ ਤਾਂ ਉੱਜੜ ਹੀ ਚੁੱਕਾ ਹੈ ਅਤੇ ਹੁਣ ਉਸ ਦੇ ਮਕਾਨ ਸਮੇਤ ਵਾਹਨ ਵੀ ਵਿਕ ਚੁੱਕੇ ਹਨ।
ਫੱਲ ਵੇਚ ਕੇ ਘਰ ਦਾ ਗੁਜ਼ਾਰਾ:ਪੀੜਤ ਨੌਜਵਾਨ ਨੇ ਦੱਸਿਆ ਕਿ ਉਹ ਪਹਿਲਾਂ ਫੱਲ ਵੇਚ ਕੇ ਘਰ ਦਾ ਗੁਜ਼ਾਰਾ ਕਰਦਾ ਸੀ, ਪਰ ਨਸ਼ੇ ਦੀ ਅਜਿਹੀ ਆਦਤ ਪਈ ਕਿ ਉਸ ਦਾ ਮਕਾਨ ਅਤੇ ਦੋ ਬੁਲਟ ਮੋਟਰਸਾਇਕਲ ਤੱਕ ਵਿਕ ਗਏ (The house and bullet motorcycles were sold) ਅਤੇ ਫਿਰ ਘਰ ਦਾ ਸਾਰਾ ਸਮਾਨ ਵਿਕ ਗਿਆ। ਉਸ ਨੇ ਕਿਹਾ ਹੁਣ ਪਰਿਵਾਰ ਰੋਟੀ ਪਾਣੀ ਤੋਂ ਵੀ ਆਵਾਜ਼ਾਰ ਹੈ। ਨੌਜਵਾਨ ਨੇ ਕਿਹਾ ਕਿ ਨਸ਼ਾ ਕਰਨ ਜੋਗੇ ਪੈਸੇ ਨਹੀ ਅਤੇ ਨਸ਼ੇ ਤੋਂ ਬਿੰਨ੍ਹਾਂ ਕੋਈ ਕੰਮ ਨਹੀਂ ਹੁੰਦਾ ਅਤੇ ਇਸੇ ਕਾਰਣ ਭੁੱਖਾ ਪਿਆਸਾ ਨਸ਼ੇ ਲਈ ਓਵਰ ਬ੍ਰਿੱਜ ਉੱਤੇ ਪਹੁੰਚਿਆ ਸੀ ਅਤੇ ਮੀਡੀਆ ਦੇ ਕੈਮਰੇ ਵਿੱਚ ਕੈਦ ਹੋ ਗਿਆ।
ਸਮਾਜ ਸੇਵੀ ਦੀ ਭੂਮਿਕਾ: ਸਮਾਜ ਸੇਵਕ ਸਰਬਜੀਤ ਸਿੰਘ ਹੈਰੀ ਨੇ ਦੱਸਿਆ ਕਿ ਛੇਹਰਟਾ ਵਿਚ ਨਸ਼ੇ ਦਾ ਬੋਲਬਾਲਾ (Drug addiction is rampant in Cheharta) ਹੈ ਪੁਲਿਸ ਅਤੈ ਪ੍ਰਸ਼ਾਸ਼ਨ ਕੁੰਭਕਰਨੀ ਨੀਂਦ ਸੁੱਤਾ ਹੈ ਅਤੇ ਆਏ ਦਿਨ ਨੌਜਵਾਨ ਨਸ਼ੇ ਦੀ ਭੇਟ ਚੜ੍ਹ ਰਹੇ ਹਨ। ਛੇਹਰਟਾ ਦੇ ਓਵਰ ਬ੍ਰਿਜ ਉੱਤੇ ਇਹ ਨਸ਼ੇੜੀ ਆਮ ਦਿਖ ਜਾਦੇ ਹਨ। ਉਨ੍ਹਾਂ ਕਿਹਾ ਕਿ ਸਾਡੀ ਕੌਸ਼ਿਸ਼ ਹੁੰਦੀ ਹੈ ਕਿ ਨਸ਼ਿਆਂ ਨੂੰ ਕਰਨ ਤੋਂ ਨੌਜਵਾਨਾਂ ਨੂੰ ਰੋਕਿਆ ਜਾਵੇ। ਉਨ੍ਹਾਂ ਕਿਹਾ ਕਿ ਸਾਡੇ ਵੱਲੋਂ ਇਸ ਪੀੜਤ ਨੌਜਵਾਨ ਦੀ ਹਰ ਸੰਭਵ ਮਦਦ ਕੀਤੀ ਜਾਵੇਗੀ ਅਤੇ ਇਸ ਨੂੰ ਨਸ਼ੇ ਦੀ ਦਲਦਲ ਵਿੱਚੋਂ ਬਾਹਰ ਕੱਢਿਆ ਜਾਵੇਗਾ।