ਕੰਗਨਾ ਦੇ ਨਾਲ ਰਿਲੀਜ਼ ਹੋਵੇਗੀ ਦਿਲਜੀਤ ਦੀ ਫ਼ਿਲਮ

26 ਜੁਲਾਈ ਨੂੰ ਪੰਜਾਬੀ ਸੁਪਰਸਟਾਰ ਦਿਲਜੀਤ ਦੀ ਫ਼ਿਲਮ 'ਅਰਜੁਨ ਪਟਿਆਲਾ' ਰਿਲੀਜ਼ ਹੋ ਰਹੀ ਹੈ। ਇਸ ਫ਼ਿਲਮ ਦੇ ਨਾਲ ਕੰਗਨਾ ਦੀ ਫ਼ਿਲਮ ਜਜਮੈਂਟਲ ਹੈ ਕਿਆ ਵੀ ਰਿਲੀਜ਼ ਹੋ ਰਹੀ ਹੈ। ਦੋਹਾਂ ਹੀ ਫ਼ਿਲਮਾਂ ਦਾ ਪ੍ਰਮੋਸ਼ਨ ਇਸ ਵੇਲੇ ਜ਼ੋਰਾਂ-ਸ਼ੋਰਾਂ ਦੇ ਨਾਲ ਚੱਲ ਰਿਹਾ ਹੈ। ਹਾਲ ਹੀ ਦੇ ਵਿੱਚ ਫ਼ਿਲਮ ਅਰਜੁਨ ਪਟਿਆਲਾ ਦਾ ਨਵਾਂ ਪ੍ਰੋਮੋਂ ਸਾਹਮਣੇ ਆਇਆ ਹੈ।

ਮੁੰਬਈ : ਪੰਜਾਬੀ ਇੰਡਸਟਰੀ ਦੇ ਸੁਪਰਸਟਾਰ ਦਿਲਜੀਤ ਦੋਸਾਂਝ 26 ਜੁਲਾਈ ਨੂੰ ਫ਼ਿਲਮ ਅਰਜੁਨ ਪਟਿਆਲਾ ਦੇ ਰਾਹੀਂ ਸਿਨੇਮਾ ਘਰਾਂ 'ਚ ਦਸਤੱਕ ਦੇਣ ਜਾ ਰਹੇ ਹਨ। ਇਸ ਫ਼ਿਲਮ ਦੇ ਵਿੱਚ ਉਨ੍ਹਾਂ ਦੇ ਨਾਲ ਕ੍ਰਿਤੀ ਸੈਨਨ ਅਤੇ ਵਰੁਣ ਸ਼ਰਮਾ ਹੀ ਮੁੱਖ ਭੂਮਿਕਾ ਦੇ ਵਿੱਚ ਹਨ।

ਇਸ ਫ਼ਿਲਮ 'ਚ ਦਿਲਜੀਤ ਛੋਟੇ ਸ਼ਹਿਰ ਦੇ ਪੁਲਿਸ ਵਾਲੇ ਬਣਦੇ ਹਨ ਅਤੇ ਕ੍ਰਿਤੀ ਇੱਕ ਪੱਤਰਕਾਰ ਦੀ ਭੂਮਿਕਾ ਨਿਭਾਉਂਦੀ ਹੈ। ਵਰੁਣ ਇਸ ਫ਼ਿਲਮ 'ਚ ਦਿਲਜੀਤ ਦੇ ਸਭ ਔਰਡੀਨੇਟ ਬਣਦੇ ਹਨ। ਹਾਲ ਹੀ ਦੇ ਵਿੱਚ ਦਿਲਜੀਤ ਨੇ ਆਪਣੇ ਸੋਸ਼ਲ ਹੈਂਡਲ 'ਤੇ ਫ਼ਿਲਮ ਦੇ ਨਵਾਂ ਪ੍ਰੋਮੋਂ ਸਾਝਾਂ ਕੀਤਾ ਹੈ। ਇਸ ਪ੍ਰੋਮੋਂ ਨੂੰ ਸਾਂਝਾ ਕਰਦੇ ਹੋਏ ਦਿਲਜੀਤ ਨੇ ਲਿੱਖਿਆ, "ਕੁੜੀ ਪਟਾਨਾ ਤਾਂ ਕੋਈ ਅਰਜੁਨ ਪਟਿਆਲਾ ਤੋਂ ਸਿੱਖੇ।" ਦੱਸਦਈਏ ਕਿ ਇਹ ਫ਼ਿਲਮ ਕੰਗਨਾ ਅਤੇ ਰਾਜਕੁਮਾਰ ਰਾਓ ਦੀ ਫ਼ਿਲਮ 'ਜਜਮੇਂਟਲ ਹੈ ਕਿਆ' ਦੇ ਨਾਲ ਰਿਲੀਜ਼ ਹੋਣ ਜਾ ਰਹੀ ਹੈ।ਵੇਖਣਾ ਦਿਲਚਸਪ ਹੋਵੇਗਾ ਕਿਹੜੀ ਫ਼ਿਲਮ ਦਰਸ਼ਕਾਂ ਨੂੰ ਜ਼ਿਆਦਾ ਪਸੰਦ ਆਉਂਦੀ ਹੈ।