ਗਿੱਪੀ ਨੇ ਜਾਨੀ ਨੂੰ ਦਿੱਤਾ ਜਨਮ ਦਿਨ 'ਤੇ ਖ਼ਾਸ ਤੌਹਫ਼ਾ

ਅਦਾਕਾਰ ਅਤੇ ਗਾਇਕ ਗਿੱਪੀ ਗਰੇਵਾਲ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਜਾਨੀ ਦੇ ਜਨਮ ਦਿਨ 'ਤੇ ਖ਼ਾਸ ਐਲਾਨ ਕੀਤਾ ਹੈ।

ਚੰਡੀਗੜ੍ਹ : ਪੰਜਾਬ ਗਾਇਕ ਅਤੇ ਗੀਤਕਾਰ ਜਾਨੀ 25 ਮਈ ਨੂੰ ਆਪਣਾ 30 ਵਾਂ ਜਨਮ ਦਿਨ ਮਨਾ ਰਹੇ ਹਨ। ਇਸ ਸਬੰਧੀ ਵੱਖ-ਵੱਖ ਪਾਲੀਵੁੱਡ ਹਸਤੀਆਂ ਨੇ ਇੰਸਟਾਗ੍ਰਾਮ 'ਤੇ ਜਾਨੀ ਨੂੰ ਜਨਮ ਦਿਨ ਦੀਆਂ ਮੁਬਾਰਕਾਂ ਦਿੱਤੀਆਂ ਪਰ ਗਾਇਕ ਅਤੇ ਅਦਾਕਾਰ ਗਿੱਪੀ ਗਰੇਵਾਲ ਨੇ ਜਾਨੀ ਦੇ ਨਾਲ ਅਗਲੀ ਐਲਬਮ ਐਲਾਨ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ।
ਇਸ ਐਲਬਮ ਦੇ ਪੋਸਟਰ ਨੂੰ ਸਾਂਝਾ ਕਰਦੇ ਹੋਏ ਗਿੱਪੀ ਨੇ ਲਿਖਿਆ ,"ਲੋ ਅੱਜ ਛੋਟੇ ਵੀਰ ਜਾਨੀ ਦੇ ਹੈਪੀ ਬਰਥਡੇ 'ਤੇ ਮੇਰੇ ਵੱਲੋਂ ਨਵਾਂ ਤੋਹਫ਼ਾ ਬਹੁਤ ਜ਼ਲਦੀ।"

ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਜਾਨੀ ਅਤੇ ਗਿੱਪੀ ਗਰੇਵਾਲ ਨੇ ਇੱਕਠੇ 'ਘੱਟ ਬੋਲਦੀ' ਅਤੇ ਕਈ ਹੋਰ ਗੀਤਾਂ 'ਚ ਕੰਮ ਕੀਤਾ ਹੋਇਆ ਹੈ।