ਐਮੀ ਅਤੇ ਸਰਗੁਣ ਕਰ ਰਹੇ ਹਨ ਇਕ ਦੂਜੇ ਨੂੰ ਸਪੋਰਟ ਪਰ ਗਿੱਪੀ ਅਤੇ ਸੋਨਮ ਕਿਉਂ ਨਹੀਂ ?

ਇੰਸਟਾਗ੍ਰਾਮ 'ਤੇ ਸਰਗੁਣ ਮਹਿਤਾ ਅਤੇ ਐਮੀ ਵਿਰਕ ਇਕ ਦੂਜੇ ਦੀਆਂ ਫ਼ਿਲਮਾਂ ਪ੍ਰਮੋਟ ਕਰ ਰਹ ਹਨ।

ਚੰਡੀਗੜ੍ਹ: 24 ਮਈ ਨੂੰ ਪਾਲੀਵੁੱਡ ਦੀਆਂ ਦੋਂ ਨਾਮਵਾਰ ਸ਼ਖ਼ਸੀਅਤਾਂ ਦੀਆਂ ਫ਼ਿਲਮਾਂ ਰਿਲੀਜ਼ ਹੋ ਰਹੀਆਂ ਹਨ। ਇਕ ਫ਼ਿਲਮ ਹੈ ਗਿੱਪੀ ਗਰੇਵਾਲ ਅਤੇ ਸਰਗੁਣ ਮਹਿਤਾ ਦੀ ਫ਼ਿਲਮ 'ਚੰਡੀਗੜ੍ਹ-ਅੰਮ੍ਰਿਤਸਰ-ਚੰਡੀਗੜ੍ਹ' ਅਤੇ ਦੂਜੀ ਹੈ ਐਮੀ ਵਿਰਕ ਅਤੇ ਸੋਨਮ ਬਾਜਵਾ ਦੀ ਫ਼ਿਲਮ 'ਮੁਕਲਾਵਾ'। ਚਾਰਾਂ ਹੀ ਕਲਾਕਾਰਾਂ ਨੇ ਇਕ ਦੂਜੇ ਦੇ ਨਾਲ ਕੰਮ ਵੀ ਕੀਤਾ ਹੈ ਅਤੇ ਇਕ ਦੂਜੇ ਦੇ ਕੰਮ ਨੂੰ ਸਪੋਰਟ ਵੀ ਕੀਤਾ ਹੈ। ਪਰ ਸਵਾਲ ਇਹ ਊਠਦਾ ਹੈ ਕਿ ਇਹ ਕਲਾਕਾਰ ਹੁਣ ਵੀ ਇਕ ਦੂਜੇ ਦੀ ਫ਼ਿਲਮ ਨੂੰ ਪ੍ਰਮੋਟ ਕਰਨਗੇ?
ਇਸ ਦਾ ਉੱਤਰ ਸਰਗੁਣ ਮਹਿਤਾ ਅਤੇ ਐਮੀ ਵਿਰਕ ਨੇ ਦੇ ਦਿੱਤਾ ਹੈ। ਜੀ ਹਾਂ ਕੁਝ ਦਿਨ ਪਹਿਲਾਂ ਸਰਗੁਣ ਨੇ ਇੰਸਟਾਗ੍ਰਾਮ 'ਤੇ ਫ਼ਿਲਮ 'ਮੁਕਲਾਵਾ' ਨੂੰ ਪ੍ਰਮੋਟ ਕਰਦੇ ਹੋਏ ਫ਼ਿਲਮ ਦੇ ਗੀਤ 'ਕਾਲਾ ਸੁੱਟ' 'ਤੇ ਡਾਂਸ ਕਰਕੇ ਵੀਡੀਓ ਪਾਈ ਸੀ।

ਦੱਸਣਯੋਗ ਹੈ ਕਿ ਹਾਲ ਹੀ ਦੇ ਵਿੱਚ ਐਮੀ ਵਿਰਕ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਮਸ਼ਹੂਰ ਗਾਇਕ ਗੁਰਨਾਮ ਭੁੱਲਰ ਅਤੇ ਸਰਗੁਣ ਮਹਿਤਾ ਦੀ ਵੀਡੀਓ ਜਨਤਕ ਕੀਤੀ ਹੈ ਜਿਸ 'ਚ ਦੋਵੇਂ ਕਲਾਕਾਰ 'ਮੁਕਲਾਵਾ' ਅਤੇ 'ਚੰਡੀਗੜ੍ਹ-ਅੰਮ੍ਰਿਤਸਰ-ਚੰਡੀਗੜ੍ਹ' ਦੇ ਮੁਕਾਬਲੇ ਦੀ ਗੱਲ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਐਮੀ ਨੇ ਲਿਖਿਆ ਹੈ, "ਪੰਜਾਬੀ ਇੰਡਸਟਰੀ ਜ਼ਿੰਦਾਬਾਦ।"

ਇੱਥੇ ਇਹ ਵੀ ਵਰਣਨਯੋਗ ਹੈ ਕਿ ਐਮੀ ਅਤੇ ਸਰਗੁਣ ਤਾਂ ਇਕ ਦੂਜੇ ਦੀਆਂ ਫ਼ਿਲਮਾ ਨੂੰ ਸਪੋਰਟ ਕਰ ਰਹੇ ਹਨ ਪਰ ਸੋਨਮ ਬਾਜਵਾ ਅਤੇ ਗਿੱਪੀ ਗਰੇਵਾਲ ਇੱਕਠੇ ਕੰਮ ਕਰਨ ਦੇ ਬਾਵਜੂਦ ਵੀ ਇਕ ਦੂਜੇ ਨੂੰ ਸਪੋਰਟ ਨਹੀਂ ਕਰ ਰਹੇ।