"ਵਾਰ" ਫ਼ਿਲਮ ਦਾ ਟੀਜ਼ਰ ਹੋਇਆ ਰਿਲੀਜ਼

ਫ਼ਿਲਮ 'ਵਾਰ' ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਇਸ ਫ਼ਿਲਮ ਵਿੱਚ ਖ਼ਾਸ ਗੱਲ ਇਹ ਹੈ ਕਿ ਇਸ ਵਿੱਚ ਐਕਸ਼ਨ ਦੇ ਨਾਲ ਨਾਲ ਇੱਕ ਲਵ ਸਟੋਰੀ ਵੀ ਦੇਖਣ ਨੂੰ ਮਿਲੇਗੀ।

ਮੁੰਬਈ: ਇਸ ਸਾਲ ਬਾਲੀਵੁੱਡ ਵਿੱਚ ਫ਼ਿਲਮਾਂ ਦੀ ਝੜੀ ਲੱਗੀ ਹੋਈ ਹੈ। ਹਰ ਅਦਾਕਾਰ ਨੇ ਇਸ ਸਾਲ ਬੇਮਿਸਾਲ ਫ਼ਿਲਮਾਂ ਦਿੱਤੀਆਂ ਹਨ। ਚਾਹੇ ਉਹ ਕਿਸੇ ਵੀ ਕਹਾਣੀ 'ਤੇ ਕਿਉਂ ਨਾ ਅਧਾਰਿਤ ਹੋਣ। ਦੱਸਣਯੋਗ ਹੈ ਕਿ ਇੱਕ ਹੋਰ ਫ਼ਿਲਮ ਇਸ ਸਾਲ ਲੋਕਾਂ ਦਾ ਦਿਲ ਜਿੱਤਣ ਲਈ ਆ ਰਹੀ ਹੈ।

ਦਰਅਸਲ ਇਸ ਸਾਲ ਫ਼ਿਲਮ "ਵਾਰ" ਅਕਤੁਬਰ ਮਹੀਨੇ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਫ਼ਿਲਮ ਵਿੱਚ ਮੁੱਖ ਭੂਮੀਕਾ ਵਿੱਚ ਟਾਈਗਰ ਸ਼ਰੌਫ, ਰਿਤਿਕ ਰੋਸ਼ਨ ਅਤੇ ਵਾਨੀ ਕਪੂਰ ਨਜ਼ਰ ਆਉਣਗੇ ਤੇ ਇਸ ਫ਼ਿਲਮ ਨੂੰ ਸਿਧਾਰਥ ਅਨੰਦ ਦੁਆਰਾ ਨਿਰਦੇਸ਼ਿਤ ਕੀਤਾ ਗਿਆ ਹੈ।

ਜ਼ਿਕਰੇਖ਼ਾਸ ਹੈ ਕਿ "ਵਾਰ" ਫ਼ਿਲਮ ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ ਜਿਸ ਵਿੱਚ ਟਾਈਗਰ ਸ਼ਰੌਫ ਅਤੇ ਰੀਤੀਕ ਰੋਸ਼ਨ ਦਾ ਵੱਖਰਾ ਹੀ ਅੰਦਾਜ਼ ਦੇਖਣ ਨੂੰ ਮਿਲੇਗਾ। ਟੀਜ਼ਰ ਤੋਂ ਪਤਾ ਚਲਦਾ ਹੈ ਕਿ ਇਸ ਫ਼ਿਲਮ ਵਿੱਚ ਕਾਫ਼ੀ ਐਕਸ਼ਨ ਹੋਵੇਗਾ ਤੇ ਇਹ ਲੋਕਾਂ ਦੇ ਦਿਲਾਂ ਨੂੰ ਜ਼ਰੂਰ ਜਿੱਤੇਗੀ। ਨਾਲ ਹੀ ਵਾਨੀ ਕਪੂਰ ਆਪਣੇ ਬੋਲਡ ਅੰਦਾਜ਼ ਨਾਲ ਇੱਕ ਵਾਰ ਮੁੜ ਆਪਣਾ ਜਲਵਾ ਦਿਖਾਵੇਗੀ।