ਮੁੰਬਈ: ਇਨ੍ਹੀਂ ਦਿਨੀਂ ਬਾਲੀਵੁੱਡ ਦੀਆਂ ਕਈ ਵੱਡੀਆਂ ਫ਼ਿਲਮਾਂ ਚਰਚਾ ਦਾ ਵਿਸ਼ਾ ਬਣੀਆ ਹੋਈਆਂ ਹਨ। ਇਸ ਦੌਰਾਨ ਰਿਤਿਕ ਰੋਸ਼ਨ ਅਤੇ ਟਾਈਗਰ ਸ਼ਰਾਫ ਦੀ ਫ਼ਿਲਮ 'ਵਾਰ' ਜ਼ਬਰਦਸਤ ਸੁਰਖੀਆਂ ਬਟੋਰ ਰਹੀ ਹੈ। ਪਹਿਲੇ ਦਿਨ ਤੋਂ ਹੀ ਇਸ ਫ਼ਿਲਮ ਨੇ ਕਮਾਈ ਚੰਗੀ ਕਮਾਈ ਕੀਤੀ ਹੈ। ਇਸ ਦੇ ਨਾਲ ਹੀ, ਫ਼ਿਲਮ ਨੂੰ ਨਾ ਸਿਰਫ਼ ਭਾਰਤ ਵਿੱਚ ਹੀ, ਸਗੋਂ ਪੂਰੀ ਦੁਨੀਆਂ ਵਿੱਚ ਪਸੰਦ ਕੀਤਾ ਜਾ ਰਿਹਾ ਹੈ। ਫ਼ਿਲਮ ਨੇ ਬਾਕਸ ਆਫਿਸ 'ਤੇ 13 ਦਿਨਾਂ 'ਚ ਤੂਫਾਨ ਲਿਆ ਦਿੱਤਾ ਹੈ। ਪ੍ਰਿਯੰਕਾ ਚੋਪੜਾ ਦੀ ਫ਼ਿਲਮ 'ਦਿ ਸਕਾਈ ਇਜ਼ ਪਿੰਕ' ਵੀ 'ਵਾਰ' ਦੇ ਸਾਹਮਣੇ ਫਿੱਕੀ ਪੈ ਗਈ।
ਹੋਰ ਪੜ੍ਹੋ:'ਵਾਰ' ਨੇ 250 ਕਰੋੜ ਦਾ ਅੰਕੜਾ ਕੀਤਾ ਪਾਰ, ਬਣੀ ਸਾਲ ਦੀ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਫ਼ਿਲਮ
ਯਸ਼ ਰਾਜ ਫ਼ਿਲਮਜ਼ ਵੱਲੋਂ ਟਵਿੱਟਰ 'ਤੇ ਜਾਰੀ ਕੀਤੇ ਗਏ ਅੰਕੜਿਆਂ ਦੇ ਅਨੁਸਾਰ 'ਵਾਰ' ਨੇ 12 ਦਿਨਾਂ 'ਚ ਦੁਨੀਆ ਭਰ ਵਿੱਚ 406 ਕਰੋੜ ਦੀ ਕੁੱਲ ਕਮਾਈ ਕੀਤੀ ਹੈ। ਘਰੇਲੂ ਬਾਕਸ ਆਫਿਸ ਦੀ ਗੱਲ ਕਰੀਏ ਅਤੇ ਰਿਤਿਕ-ਟਾਈਗਰ ਦੀ ਐਕਸ਼ਨ ਪੈਕ ਫ਼ਿਲਮ ਸਾਲ 2019 ਦੀ ਦੂਜੀ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਫ਼ਿਲਮ ਬਣ ਗਈ ਹੈ।
ਦੂਜੇ ਪਾਸੇ, ਵਪਾਰ ਵਿਸ਼ਲੇਸ਼ਕ ਤਰਨ ਆਦਰਸ਼ ਨੇ ਭਾਰਤ ਵਿੱਚ ਇਸ ਫ਼ਿਲਮ ਦੇ ਸੰਗ੍ਰਹਿ ਨੂੰ ਟਵੀਟ ਕੀਤਾ ਹੈ। ਇਸ ਟਵੀਟ ਦੇ ਅਨੁਸਾਰ, 'ਵਾਰ' ਦੀ ਕਮਾਈ ਵਿੱਚ ਇੱਕ ਹਫ਼ਤਾਵਾਰੀ ਗਿਰਾਵਟ ਆਈ ਹੈ। ਫ਼ਿਲਮ ਨੇ 275 ਕਰੋੜ ਦੀ ਕਮਾਈ ਕੀਤੀ ਹੈ। ਹੁਣ ਇਸ ਦਾ ਟੀਚਾ 300 ਕਰੋੜ ਹੈ। ਜੇ ਇਹ ਫ਼ਿਲਮ 300 ਕਰੋੜ ਦੀ ਕਮਾਈ ਕਰਦੀ ਹੈ, ਤਾਂ 'ਵਾਰ' ਸਾਲ 2019 ਦੇ 300 ਕਰੋੜ ਦੇ ਕਲੱਬ ਵਿੱਚ ਪਹੁੰਚਣ ਵਾਲੀ ਪਹਿਲੀ ਫ਼ਿਲਮ ਬਣ ਜਾਵੇਗੀ। ਹਾਲਾਂਕਿ, ਉਥੇ ਪਹੁੰਚਣ ਲਈ ਫ਼ਿਲਮ ਨੂੰ ਅਜੇ ਵੀ 23.60 ਕਰੋੜ ਦੀ ਕਮਾਈ ਕਰਨੀ ਪਵੇਗੀ।
