ਖ਼ੂਬ ਰੌਣਕਾਂ ਲੱਗੀਆਂ ਅਕਾਸ਼ ਅੰਬਾਨੀ ਦੇ ਵਿਆਹ 'ਤੇ

ਅਕਾਸ਼ ਅੰਬਾਨੀ ਦਾ ਵਿਆਹ 9 ਮਾਰਚ ਨੂੰ ਸ਼ਲੋਕਾ ਮਹਿਤਾ ਨਾਲ ਦੇ ਨਾਲ ਹੋ ਚੁੱਕਿਆ ਹੈ।ਇਸ ਵਿਆਹ ਦੇ ਵਿੱਚ ਦੁਨੀਆਂ ਭਰ ਦੀਆਂ ਮਸ਼ਹੂਰ ਹਸਤੀਆਂ ਪਹੁੰਚੀਆਂ।

ਮੁੰਬਈ : ਮੁਕੇਸ਼ ਅੰਬਾਨੀ ਦੇ ਪੁੱਤਰ ਅਕਾਸ਼ ਅੰਬਾਨੀ ਦਾ ਵਿਆਹ 9 ਮਾਰਚ ਨੂੰ ਸ਼ਲੋਕਾ ਮਹਿਤਾ ਦੇ ਨਾਲ ਹੋਇਆ।ਇਸ ਵਿਆਹ ਦੇ ਵਿੱਚ ਨਾ ਸਿਰਫ਼ ਦੁਨੀਆਂ ਭਰ ਦੀਆਂ ਮਸ਼ਹੂਰ ਹਸਤੀਆਂ ਪੁੱਜੀਆਂ ਬਲਕਿ ਇਸ ਤੋਂ ਇਲਾਵਾ ਬਾਲੀਵੁੱਡ ਅਤੇ ਖੇਡ ਜਗਤ ਤੋਂ ਵੀ ਤਮਾਮ ਹੱਸਤੀਆਂ ਪਹੁੰਚੀਆਂ ਸਨ।
ਦੱਸਣਯੋਗ ਹੈ ਕਿ ਸੋਸ਼ਲ ਮੀਡੀਆ 'ਤੇ ਅਕਾਸ਼ ਅਤੇ ਸ਼ਲੋਕਾ ਦੀਆਂ ਕਈ ਵੀਡੀਓਜ਼ ਵਾਇਰਲ ਹੋ ਰਹੀਆਂ ਸਨ।

ਇੰਨਾਂ ਵੀਡੀਓਜ਼ ਦੇ ਵਿੱਚ ਕਰਨ ਜੌਹਰ, ਆਮਿਰ ਖ਼ਾਨ, ਰਣਬੀਰ ਕਪੂਰ ਅਤੇ ਕ੍ਰਿਕਟਰ ਹਾਰਿਦਕ ਪਾਂਡਿਆ ਮਸਤੀ ਵਿਚ ਡਾਂਸ ਕਰਦੇ ਹੋਏ ਨਜ਼ਰ ਆ ਰਹੇ ਹਨ।
ਇਸ ਵਿਆਹ ਮੌਕੇ ਪੂਰਾ ਅੰਬਾਨੀ ਪਰਿਵਾਰ ਪਿੰਕ ਕਲਰ ਦੇ ਆਊਟਫਿਟ 'ਚ ਨਜ਼ਰ ਆ ਰਿਹਾ ਸੀ। ਜੇਕਰ ਇਸ ਵਿਆਹ ਦੀਆਂ ਤਸਵੀਰਾਂ ਦੀ ਗੱਲ ਕਰੀਏ ਤਾਂ ਇਨ੍ਹਾਂ ਤਸਵੀਰਾਂ ਵਿਚ ਲਾੜਾ ਬਣੇ ਆਕਾਸ਼ ਪਰਿਵਾਰ ਨਾਲ ਮਿਲ ਕੇ ਆਪਣੇ ਦਾਦਾਜੀ ਅਤੇ ਨਾਨਾਜੀ ਨੂੰ ਸ਼ਰਧਾਂਜਲੀ ਅਰਪਿਤ ਕਰਦੇ ਹੋਏ ਦਿਖਾਈ ਦੇ ਰਹੇ ਹਨ। ਉੱਥੇ, ਕੁਝ ਹੋਰ ਤਸਵੀਰਾਂ 'ਚ ਅੰਬਾਨੀ ਪਰਿਵਾਰ ਆਪਣੇ ਮਹਿਮਾਨਾਂ ਦਾ ਸਵਾਗਤ ਕਰਦੇ ਹੋਏ ਨਜ਼ਰ ਆ ਰਹੇ ਹਨ। ਜ਼ਿਕਰਯੋਗ ਹੈ ਕਿ ਅਕਾਸ਼ ਅੰਬਾਨੀ ਦਾ ਵਿਆਹ ਹੀਰਾ ਕਾਰੋਬਾਰੀ ਰਸੇਲ ਮਹਿਤਾ ਦੀ ਧੀ ਸ਼ਲੋਕਾ ਮਹਿਤਾ ਨਾਲ ਹੋਇਆ ਹੈ। ਅਕਾਸ਼ ਅਤੇ ਸ਼ਲੋਕਾ ਦਾ ਵਿਆਹ ਇਸ ਸਾਲ ਦੇ ਸਭ ਤੋਂ ਚਰਚਿਤ ਵਿਆਹਾਂ ਵਿਚੋਂ ਇਕ ਹੈ।