ਹੈਦਰਾਬਾਦ:'ਇਸ਼ਕਜ਼ਾਦੇ' ਦੀ ਅਦਾਕਾਰਾ ਪਰਿਣੀਤੀ ਚੋਪੜਾ ਅਤੇ ਸੁਪਰਹਿੱਟ ਗੀਤ 'ਯਾਰ ਮੇਰਾ ਤਿਤਲੀਆ ਵਰਗਾ' ਫੇਮ ਗਾਇਕ ਹਾਰਡੀ ਸੰਧੂ ਨੇ ਸੋਸ਼ਲ ਮੀਡੀਆ 'ਤੇ ਇੱਕ-ਇੱਕ ਤਸਵੀਰ ਸ਼ੇਅਰ ਕੀਤੀ ਹੈ। ਇਨ੍ਹਾਂ ਤਸਵੀਰਾਂ ਤੋਂ ਪਤਾ ਲੱਗਦਾ ਹੈ ਕਿ ਦੋਵਾਂ ਸਿਤਾਰਿਆਂ ਨੇ ਆਪਣੇ ਨਵੇਂ ਪ੍ਰੋਜੈਕਟ ਦਾ ਐਲਾਨ ਕਰ ਦਿੱਤਾ ਹੈ ਪਰ ਦੋਵਾਂ ਨੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ। ਇਨ੍ਹਾਂ ਤਸਵੀਰਾਂ ਤੋਂ ਕਿਆਸ ਲਗਾਏ ਜਾ ਰਹੇ ਹਨ ਕਿ ਦੋਵੇਂ ਕਿਸੇ ਫਿਲਮ ਜਾਂ ਦੇਸ਼ ਭਗਤੀ ਦੇ ਨਵੇਂ ਗੀਤ 'ਚ ਇਕੱਠੇ ਨਜ਼ਰ ਆ ਸਕਦੇ ਹਨ।
ਪਰਿਣੀਤੀ ਅਤੇ ਹਾਰਡੀ ਦੋਵਾਂ ਨੇ ਤਸਵੀਰ ਸ਼ੇਅਰ ਕਰਕੇ ਪ੍ਰਸ਼ੰਸਕਾਂ ਨੂੰ ਬੇਚੈਨ ਕਰਨ ਦਾ ਕੰਮ ਕੀਤਾ ਹੈ। ਪਰਿਣੀਤੀ ਨੇ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ ਤਿਰੰਗਾ ਝੰਡਾ ਅਤੇ ਜਲਦੀ ਆ ਰਿਹਾ ਹੈ। ਇਸ ਦੇ ਨਾਲ ਹੀ ਹਾਰਡੀ ਸੰਧੂ ਨੇ ਵੀ ਇਸ ਦੇਸ਼ ਭਗਤੀ ਦੀ ਤਸਵੀਰ ਸ਼ੇਅਰ ਕੀਤੀ ਹੈ ਅਤੇ ਪਰਿਣੀਤੀ ਵਰਗਾ ਕੈਪਸ਼ਨ ਦਿੱਤਾ ਹੈ।
ਹੁਣ ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕ ਬੇਚੈਨ ਹਨ ਕਿ ਦੋਵੇਂ ਇਕੱਠੇ ਫਿਲਮ ਲੈ ਕੇ ਆ ਰਹੇ ਹਨ ਜਾਂ ਕੋਈ ਨਵਾਂ ਗੀਤ। ਕਈ ਪ੍ਰਸ਼ੰਸਕ ਅੰਦਾਜ਼ਾ ਲਗਾ ਰਹੇ ਹਨ ਕਿ ਇਸ ਜੋੜੀ ਦਾ ਕੋਈ ਦੇਸ਼ ਭਗਤੀ ਗੀਤ ਆਜ਼ਾਦੀ ਦੇ ਮੌਕੇ 'ਤੇ ਰਿਲੀਜ਼ ਹੋ ਸਕਦਾ ਹੈ। ਪਰ ਹੁਣ ਤੱਕ ਦੋਵਾਂ ਸਿਤਾਰਿਆਂ ਵੱਲੋਂ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਇਹ ਤਾਂ ਆਉਣ ਵਾਲੀ 15 ਅਗਸਤ ਤੱਕ ਹੀ ਪਤਾ ਲੱਗੇਗਾ ਕਿ ਪਰਿਣੀਤੀ ਅਤੇ ਹਾਰਡੀ ਦਾ ਇਹ ਨਵਾਂ ਪ੍ਰੋਜੈਕਟ ਕੀ ਹੈ।