Adipurush Collection Day 5: ਵਿਰੋਧ ਪ੍ਰਦਰਸ਼ਨਾਂ ਵਿਚਾਲੇ ਬਾਕਸ ਆਫਿਸ 'ਤੇ 'ਆਦਿਪੁਰਸ਼' ਦਾ ਸੰਘਰਸ਼ ਜਾਰੀ, ਪੰਜਵੇਂ ਦਿਨ ਕੀਤੀ ਮੁੱਠੀ ਭਰ ਕਮਾਈ

Adipurush Collection Day 5: ਆਦਿਪੁਰਸ਼ ਬਾਕਸ ਆਫਿਸ 'ਤੇ ਸੁਸਤ ਹੋ ਗਈ ਹੈ। ਫਿਲਮ ਦੀ ਕਮਾਈ ਘੱਟ ਰਹੀ ਹੈ ਅਤੇ ਦਰਸ਼ਕ ਇਸ ਤੋਂ ਦੂਰੀ ਬਣਾ ਰਹੇ ਹਨ।

ਮੁੰਬਈ: ਵਿਵਾਦਿਤ ਫਿਲਮ ਆਦਿਪੁਰਸ਼ ਨੂੰ ਰਿਲੀਜ਼ ਹੋਏ ਪੰਜ ਦਿਨ ਹੋ ਗਏ ਹਨ, ਜੋ ਸਾਰੇ ਵਿਰੋਧਾਂ ਦੇ ਵਿਚਕਾਰ ਬਾਕਸ ਆਫਿਸ 'ਤੇ ਸੰਘਰਸ਼ ਕਰ ਰਹੀ ਹੈ ਅਤੇ ਫਿਲਮ 21 ਜੂਨ ਨੂੰ ਰਿਲੀਜ਼ ਹੋਣ ਤੋਂ ਬਾਅਦ ਆਪਣੇ 6ਵੇਂ ਦਿਨ 'ਤੇ ਚੱਲ ਰਹੀ ਹੈ। ਫਿਲਮ ਦੇ ਚਾਰੇ ਪਾਸੇ ਵਿਰੋਧ ਨੇ ਹੁਣ ਬਾਕਸ ਆਫਿਸ 'ਤੇ ਵੀ ਆਪਣਾ ਜ਼ੋਰ ਫੜ ਲਿਆ ਹੈ ਅਤੇ ਹੁਣ 5ਵੇਂ ਦਿਨ ਵੀ ਆਦਿਪੁਰਸ਼ ਬਾਕਸ ਆਫਿਸ 'ਤੇ ਜਿਆਦਾ ਕਮਾਲ ਨਹੀਂ ਦਿਖਾ ਪਾਈ। ਫਿਲਮ ਨੇ ਪੰਜਵੇਂ ਦਿਨ ਵੀ ਬਹੁਤ ਘੱਟ ਕਮਾਈ ਕੀਤੀ ਹੈ।

ਦੂਜੇ ਪਾਸੇ ਫਿਲਮ ਦੇ ਵਿਵਾਦਿਤ ਡਾਇਲਾਗਸ ਨੂੰ ਬਦਲਣ ਦਾ ਕੰਮ ਚੱਲ ਰਿਹਾ ਹੈ। ਪਰ ਫਿਲਮ ਆਦਿਪੁਰਸ਼ ਨੇ ਸਾਰੀ ਰਾਮ ਲਹਿਰ ਨੂੰ ਬਰਬਾਦ ਕਰ ਦਿੱਤਾ ਹੈ। ਹੁਣ ਦੇਖਦੇ ਹਾਂ ਕਿ ਫਿਲਮ ਨੇ ਪੰਜਵੇਂ ਦਿਨ ਬਾਕਸ ਆਫਿਸ 'ਤੇ ਕਿੰਨੀ ਕਮਾਈ ਕੀਤੀ ਹੈ ਅਤੇ ਇਸ ਦਾ ਕੁੱਲ ਕਲੈਕਸ਼ਨ ਕਿੰਨਾ ਹੋ ਗਿਆ ਹੈ। 600 ਕਰੋੜ ਰੁਪਏ ਦੇ ਵੱਡੇ ਬਜਟ 'ਤੇ ਬਣੀ 'ਆਦਿਪੁਰਸ਼' ਰਿਲੀਜ਼ ਦੇ ਪੰਜਵੇਂ ਦਿਨ ਸਿਰਫ਼ 10 ਕਰੋੜ ਰੁਪਏ ਹੀ ਇਕੱਠੀ ਕਰ ਸਕੀ ਹੈ। ਇਸ ਨਾਲ ਘਰੇਲੂ ਬਾਕਸ ਆਫਿਸ 'ਤੇ ਫਿਲਮ ਦਾ ਕੁਲੈਕਸ਼ਨ 247 ਕਰੋੜ ਅਤੇ ਦੁਨੀਆ ਭਰ 'ਚ 380 ਕਰੋੜ ਨੂੰ ਪਾਰ ਕਰ ਗਿਆ ਹੈ।

ਮੁੱਠੀ ਭਰ ਕਮਾਈ ਨਾਲ ਆਦਿਪੁਰਸ਼ ਲਈ ਬਾਕਸ ਆਫਿਸ 'ਤੇ ਆਪਣੀ ਲਾਜ ਬਚਾਉਣੀ ਵੀ ਔਖੀ ਹੋ ਗਈ ਹੈ ਅਤੇ ਦੂਜੇ ਪਾਸੇ ਫਿਲਮ ਦੇ ਨਿਰਦੇਸ਼ਕ ਓਮ ਰਾਉਤ ਅਤੇ ਫਿਲਮ ਦੇ ਡਾਇਲਾਗ ਲੇਖਕ ਮਨੋਜ ਮੁੰਤਸ਼ੀਰ ਨੂੰ ਅਜਿਹੀ ਫਿਲਮ ਬਣਾਉਣ ਲਈ ਦੇਸ਼ ਭਰ 'ਚ ਗਾਲ੍ਹਾਂ ਕੱਢੀਆਂ ਜਾ ਰਹੀਆਂ ਹਨ।

ਪਰ, ਮਨੋਜ ਨੇ ਫਿਲਮ ਦਾ ਵਿਰੋਧ ਕਰ ਰਹੇ ਲੋਕਾਂ ਨੂੰ ਆਪਣੇ ਹੀ ਅੰਦਾਜ਼ 'ਚ ਚੁਣੌਤੀ ਦਿੱਤੀ ਹੈ। ਬੀਤੇ ਦਿਨ ਮਨੋਜ ਨੇ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਸੀ, ਜਿਸ 'ਚ ਉਹ ਪੂਰੇ ਉਤਸ਼ਾਹ ਨਾਲ ਕਵਿਤਾ ਸੁਣਾ ਰਹੇ ਸਨ। ਮਨੋਜ ਨੇ ਇਸ ਕਵਿਤਾ ਵਿੱਚ ਕੀ ਕਿਹਾ ਹੈ ਇਹ ਜਾਣਨ ਲਈ ਹੇਠਾਂ ਦਿੱਤੇ ਲਿੰਕ 'ਤੇ ਕਲਿੱਕ ਕਰੋ।