ਲੁਧਿਆਣਾ: ਕਿਤਾਬ 'ਦ ਮੇਕਿੰਗ ਆਫ਼ ਹੀਰੋ' ਹੋਈ ਲੋਕ ਅਰਪਣ

ਅਕਸਰ ਕਿਹਾ ਜਾਂਦਾ ਹੈ ਕਿ ਕਾਮਯਾਬੀ ਦੇ ਲਈ ਕੋਈ ਛੋਟਾ ਰਸਤਾ ਨਹੀਂ ਹੁੰਦਾ, ਹੀਰੋ ਕੰਪਨੀ ਦੇ ਮੁੰਜਾਲ ਭਰਾਵਾਂ ਦੀ ਕਹਾਣੀ ਵੀ ਕੁਝ ਅਜਿਹੀ ਹੀ ਹੈ। ਲੰਮਾ ਪੈਂਡਾ ਤੈਅ ਕਰਨ ਮਗਰੋਂ ਉਨ੍ਹਾਂ ਨੇ ਹੀਰੋ ਕੰਪਨੀ ਨੂੰ ਨਾ ਸਿਰਫ਼ ਇੱਕ ਬ੍ਰਾਂਡ ਬਣਾਇਆ ਸਗੋਂ ਵਿਸ਼ਵ ਭਰ 'ਚ ਇੱਕ ਉੱਚੇ ਮੁਕਾਮ 'ਤੇ ਪਹੁੰਚਾਇਆ। ਇਸ ਕਹਾਣੀ ਨੂੰ ਦਰਸਾਉਂਦੀ ਹੈ 'ਦ ਮੇਕਿੰਗ ਆਫ਼ ਹੀਰੋ' ਕਿਤਾਬ।

ਲੁਧਿਆਣਾ: ਹੀਰੋ ਕੰਪਨੀ ਦੇ ਚੇਅਰਮੈਨ ਸੁਨੀਲ ਕਾਂਤ ਮੁੰਜਾਲ ਵੱਲੋਂ ਅੱਜ 'ਦ ਮੇਕਿੰਗ ਆਫ਼ ਹੀਰੋ' ਕਿਤਾਬ ਲੋਕ ਅਰਪਣ ਕੀਤੀ ਗਈ। ਇਹ ਕਿਤਾਬ ਹੀਰੋ ਕੰਪਨੀ ਦੇ ਮੁੰਜਾਲ ਭਰਾਵਾਂ ਦੇ ਸੰਘਰਸ਼ ਦੀ ਕਹਾਣੀ ਨੂੰ ਦਰਸਾਉਂਦੀ ਹੈ।

ਇਸ ਬਾਰੇ ਦੱਸਦੇ ਹੋਏ "ਹੀਰੋ" ਕੰਪਨੀ ਦੇ ਚੇਅਰਮੈਨ ਸੁਨੀਲ ਕਾਂਤ ਮੁੰਜਾਲ ਨੇ ਦੱਸਿਆ ਕਿ ਇਸ ਕਿਤਾਬ 'ਚ ਹੀਰੋ ਕੰਪਨੀ ਦੀ ਹੋਂਦ, ਉਸ ਦੇ ਵਿਕਾਸ ਤੋਂ ਇੱਕ ਵਿਸ਼ਵ ਪੱਧਰੀ ਬ੍ਰਾਂਡ ਬਣਨ ਦੀ ਉਪਲੱਬਧੀਆਂ ਬਾਰੇ ਦੱਸਿਆ ਗਿਆ ਹੈ। ਇਹ ਕੰਪਨੀ ਚਾਰ ਭਰਾਵਾਂ ਵੱਲੋਂ ਜ਼ੀਰੋ ਤੋਂ ਸ਼ੁਰੂ ਕਰਕੇ ਵਿਸ਼ਵ ਪੱਧਰ ਤੇ ਸਥਾਪਿਤ ਕਰਨ ਦੀ ਕਹਾਣੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਕਿਤਾਬ 'ਚ ਨੌਜਵਾਨਾਂ ਲਈ ਪ੍ਰੇਰਤ ਕਰਦੀ ਹੈ ਤੇ ਵਪਾਰ ਸ਼ੁਰੂ ਕਰਨ ਵਾਲੇ ਨਵੇਂ ਵਪਾਰੀਆਂ ਲਈ ਮਾਰਗ ਦਰਸ਼ਕ ਦਾ ਕੰਮ ਕਰਦੀ ਹੈ। ਉਨ੍ਹਾਂ ਦੱਸਿਆ ਕਿ ਕਿਤਾਬ ਰਿਲੀਜ਼ ਹੋਏ ਨੂੰ ਦੋ ਹਫ਼ਤੇ ਹੋਏ ਹਨ ਤੇ ਇਹ ਉੱਤਰ ਭਾਰਤ ਦੀਆਂ ਟਾਪ 10 ਸੈਲਿੰਗ ਕਿਤਾਬਾਂ ਤੇ ਵਿਸ਼ਵ ਪੱਧਰ ਤੇ 8ਵੇਂ ਨੰਬਰ 'ਤੇ ਪਹੁੰਚ ਚੁੱਕੀ ਹੈ।

ਇਸ ਕਿਤਾਬ ਦੇ ਪਬਲਿਸ਼ਰ ਸਚਿਨ ਸ਼ਰਮਾ ਨੇ ਵੀ ਦੱਸਿਆ ਕਿ ਇਸ ਕਿਤਾਬ ਨੂੰ ਲਾਂਚ ਕਰਨ ਲਈ ਉਨ੍ਹਾਂ ਵੱਲੋਂ ਪੂਰੀ ਮਿਹਨਤ ਕੀਤੀ ਗਈ ਹੈ। ਕਿਉਂਕਿ ਉਨ੍ਹਾਂ ਅੱਗੇ ਬਹੁਤ ਵੱਡੇ ਚੈਲੇਂਜ ਸਨ ਕਿਉਂਕਿ ਹੀਰੋ ਆਪਣੇ ਆਪ 'ਚ ਇੱਕ ਵੱਡਾ ਬ੍ਰਾਂਡ ਹੈ। ਇਸ ਕਾਰਨ ਇਨ੍ਹਾਂ ਚਾਰ ਭਰਾਵਾਂ ਦੀ ਜੀਵਨੀ 'ਤੇ ਲਿੱਖੀ ਗਈ ਕਿਤਾਬ ਨੂੰ ਸਹੀ ਤਰੀਕੇ ਨਾਲ ਲੋਕਾਂ ਤੱਕ ਪਹੁੰਚਾਣਾ ਜ਼ਰੂਰੀ ਸੀ। ਉਨ੍ਹਾਂ ਕਿਹਾ ਕਿ ਇਹ ਕਿਤਾਬ ਨੌਜਵਾਨਾਂ ਲਈ ਇੱਕ ਪ੍ਰੇਰਣਾ ਸਰੋਤ ਦਾ ਕੰਮ ਕਰੇਗੀ।