ਨਵੀਂ ਦਿੱਲੀ: ਤਿਹਾੜ (tihar central jail) ਵਿੱਚ ਇੱਕ ਕੈਦੀ ਨੇ ਫੜੇ ਜਾਣ ਦੇ ਡਰੋਂ ਜੇਲ੍ਹ ਪ੍ਰਸ਼ਾਸਨ ਵੱਲੋਂ ਬੁੱਧਵਾਰ ਨੂੰ ਕੀਤੀ ਗਈ ਤਲਾਸ਼ੀ ਮੁਹਿੰਮ ਦੌਰਾਨ ਇੱਕ ਛੋਟਾ ਮੋਬਾਈਲ ਫ਼ੋਨ ਨਿਗਲ ਲਿਆ(inmate swallows phone)। ਇਹ ‘ਅਸਾਧਾਰਨ ਘਟਨਾ’ ਜੇਲ੍ਹ ਨੰ. 1 ਤਿਹਾੜ ਕੇਂਦਰੀ ਜੇਲ੍ਹ ਦੇ ਅੰਦਰ ਜਦੋਂ ਮੋਬਾਈਲਾਂ ਅਤੇ ਹੋਰ ਪਾਬੰਦੀਸ਼ੁਦਾ ਵਸਤੂਆਂ ਦੀ ਚੈਕਿੰਗ ਚੱਲ ਰਹੀ ਸੀ।
ਕੈਦੀ ਦੀ ਹਾਲਤ ਵਿਗੜਨ ਤੋਂ ਬਾਅਦ ਜੇਲ੍ਹ ਅਧਿਕਾਰੀਆਂ ਨੇ ਉਸ ਦੀ ਅਸਾਧਾਰਨ ਹਰਕਤ ਨੂੰ ਦੇਖਿਆ, ਜਿਸ ਤੋਂ ਬਾਅਦ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ।ਇਹ ਘਟਨਾ ਤਿਹਾੜ ਉੱਚ ਸੁਰੱਖਿਆ ਵਾਲੀ ਜੇਲ੍ਹ ਦੇ ਵਾਰਡਨ ਅਤੇ ਹੋਰ ਕੈਦੀਆਂ ਦੇ ਸਾਹਮਣੇ ਵਾਪਰੀ। ਛੋਟਾ ਮੋਬਾਈਲ ਸੈੱਟ ਨਿਗਲਣ ਵਾਲੇ ਕੈਦੀ ਨੂੰ ਪਹਿਲਾਂ ਜੇਲ੍ਹ ਹਸਪਤਾਲ ਲਿਜਾਇਆ ਗਿਆ ਅਤੇ ਜਦੋਂ ਉਸ ਦੀ ਹਾਲਤ ਵਿਗੜਨ ਲੱਗੀ ਤਾਂ ਉਸ ਨੂੰ ਦੀਨ ਦਿਆਲ ਉਪਾਧਿਆਏ ਹਸਪਤਾਲ ਲਿਜਾਇਆ ਗਿਆ।