ਮੰਗਲੁਰੂ: ਸੀਨੀਅਰ ਕਾਂਗਰਸੀ ਆਗੂ (Senior Congress leader) ਅਤੇ ਸਾਬਕਾ ਕੇਂਦਰੀ ਮੰਤਰੀ ਆਸਕਰ ਫਰਨਾਂਡਿਜ਼ (Oscar Fernandes) ਦਾ ਸੋਮਵਾਰ ਦੁਪਹਿਰ ਨੂੰ 80 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੇ ਮੰਗਲੁਰੂ ਦੇ ਯੇਨੇਪੋਆ ਹਸਪਤਾਲ (Yenepoa Hospital) ਵਿੱਚ ਆਖਰੀ ਸਾਹ ਲਿਆ, ਫਰਨਾਡੀਜ਼ ਨੂੰ ਇਸ ਸਾਲ ਜੁਲਾਈ ਵਿੱਚ ਯੋਗਾ ਅਭਿਆਸ ਕਰਦੇ ਸਮੇਂ ਸਿਰ ਵਿੱਚ ਸੱਟ ਲੱਗੀ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਇੱਥੇ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ।
ਆਸਕਰ ਯੂਪੀਏ ਸਰਕਾਰ ਵਿੱਚ ਭਾਰਤ ਸਰਕਾਰ (Government of India) ਦੇ ਟਰਾਂਸਪੋਰਟ, ਸੜਕਾਂ ਅਤੇ ਰਾਜਮਾਰਗਾਂ ਅਤੇ ਕਿਰਤ ਅਤੇ ਰੁਜ਼ਗਾਰ ਮੰਤਰੀ ਸਨ ਅਤੇ ਰਾਹੁਲ ਗਾਂਧੀ ਸਮੇਤ ਗਾਂਧੀ ਪਰਿਵਾਰ ਦੇ ਸਭ ਤੋਂ ਨੇੜਲੇ ਵਿਸ਼ਵਾਸਪਾਤਰਾਂ ਵਿੱਚੋਂ ਇੱਕ ਮੰਨੇ ਜਾਂਦੇ ਸਨ।
ਉਹ ਆਲ ਇੰਡੀਆ ਕਾਂਗਰਸ ਕਮੇਟੀ (India Congress Committee) ਦੀ ਕੇਂਦਰੀ ਚੋਣ ਅਥਾਰਟੀ ਦੇ ਚੇਅਰਮੈਨ ਵੀ ਸਨ। ਉਹ ਡਾ. ਮਨਮੋਹਨ ਸਿੰਘ ਦੀ ਪਹਿਲੀ ਯੂਪੀਏ ਸਰਕਾਰ ਵਿੱਚ ਕਿਰਤ ਅਤੇ ਰੁਜ਼ਗਾਰ ਮੰਤਰਾਲੇ ਦੇ ਰਾਜ ਮੰਤਰੀ (ਸੁਤੰਤਰ ਚਾਰਜ) ਸਨ, ਉਨ੍ਹਾਂ ਨੇ ਰਾਜੀਵ ਗਾਂਧੀ (Rajiv Gandhi) ਦੇ ਸੰਸਦੀ ਸਕੱਤਰ ਵਜੋਂ ਸੇਵਾ ਨਿਭਾਈ। ਉਹ 1980 ਵਿੱਚ ਕਰਨਾਟਕ ਦੇ ਉਡੁਪੀ ਹਲਕੇ ਤੋਂ 7 ਵੀਂ ਲੋਕ ਸਭਾ ਲਈ ਚੁਣੇ ਗਏ ਸਨ। ਉਹ ਉਸੇ ਹਲਕੇ ਤੋਂ 1984, 1989, 1991 ਅਤੇ 1996 ਵਿੱਚ ਦੁਬਾਰਾ ਲੋਕ ਸਭਾ ਲਈ ਚੁਣੇ ਗਏ ਸਨ। ਜੋ ਬਾਅਦ ਵਿੱਚ ਉਹ 1998 ਵਿੱਚ ਰਾਜ ਸਭਾ ਲਈ ਚੁਣੇ ਗਏ।
2004 ਵਿੱਚ, ਉਹ ਰਾਜ ਸਭਾ ਲਈ ਦੁਬਾਰਾ ਚੁਣੇ ਗਏ। ਉਹ 2004 ਤੋਂ 2009 ਤੱਕ ਕੇਂਦਰੀ ਮੰਤਰੀ ਰਹੇ, ਉਨ੍ਹਾਂ ਨੇ ਵੱਖ -ਵੱਖ ਵਿਭਾਗਾਂ ਜਿਵੇਂ ਕਿ ਅੰਕੜਾ ਅਤੇ ਪ੍ਰੋਗਰਾਮ ਲਾਗੂਕਰਨ, ਐਨ.ਆਰ.ਆਈ ਮਾਮਲੇ ਨੂੰ ਸੰਭਾਲਿਆ।
ਇਹ ਵੀ ਪੜੋ:-'ਕੋਰੋਨਾ ਨੂੰ ਅਸੀਂ ਬੰਦ ਕੀਤਾ ਬੋਤਲ ’ਚ, ਹੁਣ ਨਹੀਂ ਵਧ ਰਹੇ ਕੇਸ'
