ਨਵੀਂ ਦਿੱਲੀ: ਕੌਮਾਂਤਰੀ ਯੋਗਾ ਦਿਵਸ ਮੌਕੇ 'ਤੇ ਆਈਟੀਬੀਪੀ ਦੇ ਜਵਾਨਾਂ ਨੇ ਲੱਦਾਖ 'ਚ 18 ਹਜ਼ਾਰ ਫੁੱਟ ਦੀ ਉਚਾਈ 'ਤੇ ਯੋਗਾ ਅਤੇ ਪ੍ਰਾਣਾਯਾਮ ਕੀਤਾ। ਲੱਦਾਖ ਵਿੱਚ ਬਰਫ ਨਾਲ ਢੱਕੀ ਚਿੱਟੀ ਜ਼ਮੀਨ 'ਤੇ ਆਈਟੀਬੀਪੀ ਜਵਾਨਾਂ ਦੀ ਇੱਕ ਟੀਮ ਨੇ ਯੋਗਾ ਅਭਿਆਸ ਕੀਤਾ।
ਲੱਦਾਖ ਵਿੱਚ ਜਿਹੜੀ ਜਗ੍ਹਾਂ 'ਤੇ ਜਵਾਨਾਂ ਨੇ ਯੋਗਾ ਕੀਤਾ ਉਥੇ ਤਾਪਮਾਨ ਜ਼ੀਰੋ ਡਿਗਰੀ ਤੋਂ ਵੀ ਘੱਟ ਹੈ। ਬਰਫ ਦੀ ਚਿੱਟੀ ਚਾਦਰ 'ਤੇ ਜਵਾਨਾਂ ਦਾ ਯੋਗਾ ਅਭਿਆਸ ਇੱਕ ਬਹੁਤ ਹੀ ਵਿਲੱਖਣ ਦ੍ਰਿਸ਼ ਪੇਸ਼ ਕਰ ਰਿਹਾ ਸੀ।
ਯੋਗਾ ਦਿਵਸ ਦੇ ਮੌਕੇ 'ਤੇ ਆਈਟੀਬੀਪੀ ਦੇ ਜਵਾਨਾਂ ਨੇ ਬਰਫ ਦੀਆਂ ਚਿੱਟੀਆਂ ਚਾਦਰਾਂ ਦੇ ਵਿਚਕਾਰ ਕਾਲੇ ਚਸ਼ਮੇ ਪਾ ਕੇ ਯੋਗਾ ਕੀਤਾ। ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਲੱਦਾਖ ਵਿਖੇ ਭਾਰਤ ਅਤੇ ਚੀਨ ਦੀ ਫੌਜ ਵਿਚਾਲੇ ਹਿੰਸਕ ਝੜਪ ਹੋਈ ਹੈ। ਆਈਟੀਬੀਪੀ ਦੇ ਜਵਾਨ ਇਸ ਸਰਹੱਦ ਦੀ ਨਿਗਰਾਨੀ ਕਰਦੇ ਹਨ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੰਤਰਰਾਸ਼ਟਰੀ ਯੋਗ ਦਿਵਸ ਦੇ ਮੌਕੇ ਦੇਸ਼ ਅਤੇ ਵਿਸ਼ਵ ਨੂੰ ਸਬਰ ਅਤੇ ਕਰਮ ਦਾ ਸੰਦੇਸ਼ ਦਿੱਤਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਇੱਕ ਯੋਗ ਸਾਧਕ ਅਭਿਆਸੀ ਸੰਕਟ ਵਿੱਚ ਕਦੇ ਵੀ ਸਬਰ ਨਹੀਂ ਹਾਰਦਾ। ਉਨ੍ਹਾਂ ਕਿਹਾ ਕਿ ਯੋਗਾ ਦਾ ਅਰਥ ਸੰਵਤਤਮ ਯੋਗਾ ਹੈ। ਅਰਥਾਤ ਅਨੁਕੂਲਤਾ-ਪ੍ਰੇਸ਼ਾਨੀ, ਸਫਲਤਾ-ਅਸਫਲਤਾ, ਖੁਸ਼ਹਾਲੀ-ਸੰਕਟ, ਹਰ ਸਥਿਤੀ ਵਿੱਚ ਇਕੋ ਜਿਹੇ ਰਹਿਣ ਦਾ, ਸਥਿਰ ਰਹਿਣ ਦਾ ਨਾਂਅ ਹੈ।
